Soli: differenze trà e virsioni

U Soli hè a stedda situata à u centru di u sistemu sulariu.<ref>'Ss'articulu pruveni in parti da l'articulu currispundenti di a wikipedia in inglesu.</ref> Si tratta di una sfera guasgi parfetta di plasma caldu, scaldata à l'incandiscenza da i riazzioni di funditura nucleari in u so nucleu, chì raghja a so energia par u più sottu forma di luci visibuli, di luci ultraviuletta è d'irraghjamentu infrarossu. Hè da luntanu a più impurtanti fonti d'energia pà a vita annantu à Terra. U so diamitru hè di circa 1,39 milioni di chilomitri (864000 migli), vali à dì 109 volti quiddu di a Terra. A so massa hè circa 330000 volti quidda di a Terra ; raprisenta à l'incirca 99,86% di a massa tutali di u sistemu sulariu. À l'incirca trè quarti di a massa di u Soli sò custituiti d'idrugenu (~73%) ; u restu hè par u più custituitu d'eliu (~25%), incù i quantità mori più debuli d'elementi più grevi, in particulari l'ussigenu, u carboniu, u neonu è u farru.