Ascensione: differenze trà e virsioni

Parechje credenze pupulare sò assuciate in [[Corsica]] incù u [[ghjornu]] di l'Ascenzione. Secondu a [[fede|credenza]] pupulare, l'[[acque]] sùstanu u [[ghjornu]] di l'Ascensione. Si dice dinù chì u [[ghjornu]] di l'Ascensione, « mancu l’acellu esce da u nidu » è « a [[ghjallina]] ùn volta nidicale » (Casanova 1992).

Ci sò dinù dui spezie di piante chì sò cunnisciute in [[Corsica]] com'è l' [[erba di l'Ascensione]]. Hè di tradizione d'andà à coglie l'[[erba]] di l'Ascensione, a mane, prima di u fà di u [[sole]]. Si scalza è cusì l'erba di l'Ascensione si ferma incù a so radica. Dopu l'[[erba]] di l'Ascensione si mette in casa, à l'ombra, appiccata à u muru, à capu in ghjò. A pianta campa senza nè [[terra]] nè [[acqua]], si ridrizza è fiurisce in [[San Ghjuvanni]] o à a [[Trinità]]. Sicondu a tradizione, s'è l'erba di l'Ascensione si ridrizza è fiurisce in una casa, l'annata serà bona. Hè cunsideratu invece cum'è gattivu s'è l'erba di l'Ascensione ùn fiurisce micca. L'erba di l'Ascensione si cunserva dopu sin'à Sant'Anna, u 26 [[lugliu]]. E dui spezie di piante chì sò cunsiderate in Corsica cum'è « erba di l'Ascensione » sò: