A Piazzetta: differenze trà e virsioni

'''A Piazzetta''' hè un situ nantu à u [[web]] è un [[giurnalisimu|giurnale]] in [[lingua corsa]]. U situ hè statu lanciatu di [[dicembre]] [[2007]], da una squadra di ghjovani [[Bastia|bastiacci]]. U giurnale hè statu lanciatu di [[ferraghju]] [[2009]]. A Piazzetta tratta di manera [[satira|satirica]] di l'attualità [[Corsica|corsa]] o [[mondu|internaziunale]].

U bloggu s'intituleghja "blog scherzosu, [[pulitica|puliticamente]] scurrettu è certe volte appena gattivu". Si tratta d'ogni sughjettu d'attualità, corsa o internaziunale, di pulitica, di [[cultura]] [[Corsica|corsa]], di [[musica]] è di [[tennulugia]] muderna, ecc., d'ogni tema chì pò interessà i ghjovani è ancu i menu ghjovani.

Detta quessa, ci vole à aghjunghje chì e tematiche liate di modu "tradiziunale" à a [[lingua corsa]] sò belle rinnuvate. Hè un estru mudernu è ghjovanu chì detta a [[littiratura|scrittura]] è l'usu di a lingua, ringraziendu à [[Diu]], ùn hè micca sempre [[università|accademicu]].

S'è a tunalità glubale hè piuttostu scherzosa è à volte "gattiva", si ponu ritruvà attempu u spiritu [[Bastia|bastiacciu]] di a [[macagna]] è una riflessione [[critica]] nant'à a [[Corsica]]. Ma soprattuttu, A Piazzetta hè un situ da fà ride, è l'[[ghjurnalisismu|articuli]] [[umore|ridiculi]] ùn mancanu micca.

I [[scrivanu|scrittori]] si chjamanu Ussamà Ben Lazezu, U Sgaiuffu, U Webmaestru, Pichjettu.

Si po aghjunghje ch'è u situ cumprende dinù articuli cumpletti annantu à [[cultura|temi culturali]]. Certi sugetti sò trattati incù prufundezza è certe volte ùn anu micca equivalente in [[lingua francese]] o [[lingua inglese|inglese]]. Si pò cità per esempiu, frà altri, l'articuli annantu à : [http://www.apiazzetta.com/Perche-Ghjuvanpaulu-Poletti-he-u-piu-forte_a1967.html Ghjuvan Paulu Poletti], [http://www.apiazzetta.com/20-capidopera-di-Canta-u-Populu-Corsu_a1636.html Canta u Populu Corsu], a [http://www.apiazzetta.com/origine-drapeau-corse-bandera-corsa/ bandera corsa].

U situ hè apertu dinù à e cullaborazione di i [[littura|littori]]: ci hè un [[foru]], è ancu una parte intitulata "Tribuna libera di i lettori" ind'ellu si pò pustà [[cummunicazione]].

À parte da [[frivaghju]] [[2009]], A Piazzetta hà lanciatu dinù un [[ghjurnale]]. 'Ssu ghjurnale hè distribuitu gratisi in a [[Corsica]] sana. Avendu vintu un cuncorsu intitulatu "ghjovani in mossa", i redattori di A Piazzetta anu sceltu di cunsacrà u premiu à finanzà i primi esemplarii di u ghjurnale gratisi.

Nove [[numeru|numeri]] di u ghjurnale sò stati esciuti sin'à avà.

A Piazzetta si prisenta cum'è un esempiu di ciò chì si pò fà per rinvivisce a [[lingua corsa]]. S'è l'iniziative cum'è A Piazzetta si multiplicheghjanu, ci dà à pensà ch'è a lingua corsa, minacciata di sparizione da quì à a fine di u seculu XXI (cum'è 90 per centu di e [[linguistica|lingue]] di a [[pianetta]]), a di pò fà à francà u [[seculu]].