Binaria à eclissa

In astrunumia, una binaria à eclissa hè una stedda binaria in a quali u pianu urbitali di i dui steddi si trova beddu alliniatu incù a linia di vista di l'ussirvatori parchì i dui cumpunenti mostrani eclissi reciprochi. S'è un tali sistemu hè ancu una binaria spettruscopica è a so parallassa hè cunnisciuta, pò essa analizatu tandu in grandi dittagliu.

Animazioni di una stedda binaria à eclissa; in ghjò a curva di variazioni di l'intensità di l'emissioni luminosa.

I binarii à eclissa sò ancu steddi varievuli (è ditti dunqua varievuli à eclissa), micca chì i singuli steddi siini varievuli, ma à causa di l'eclissi. Trà l'asempii più famosi ci hè a stedda Algol (β Persei), chjamata a stedda di u diavuli da l'arabi, chì incù tutta prubabilità aviani nutatu a so variabilità.

A curva di luci di una binaria à eclissa hè carattarizata, par parechji tipi (EA), da intarvalli stesi di luminusità guasi custanti, incù caduti periodichi di intensità, inveci par altri a luminusità ùn hè mai custanti (EB,EW). S'è una di i steddi hè più grandi ch'è l'altra, st'ultima subisciarà un'eclissa tutali mentri a prima mustrarà un'eclissa annulari.

U periodu di l'orbita di una binaria à eclissa pò essa ditarminatu da u studiu di a curva di luci, è a grandezza rilativa di i dui steddi pò essa truvata, pigliendu com'è unità u raghju di l'orbita, ussirvendu quantu veluciamenti a luminusità cambia quandu i dui dischi stellari si soprapponini. S'edda hè ancu una binaria spettruscopica l'elementi urbitali poni essa truvati cumplittamenti, è a massa di i steddi pò essa ditarminata faciuli.

Da veda dinò

• Stedda binaria
• Binaria spettruscopica
• Curva di luci

Fonti

'Ss'articulu pruveni in parti o in tutalità da l'articulu currispundenti di a wikipedia in talianu.