L'Atlanticu hè statu spluratu estinsivamenti. I Vichinghi, i Portughesi è Cristofaru Culombu sò trà i più famosi primi espluratori. I Vichinghi culunizoni a Gruinlandia prima di l'annu Milla, ma a culonia fù spazzata via da un pighjuramentu di u clima. Dopu Culombu, a splurazioni aurupea accilirò rapitamenti, è funi stabiliti molti novi stradi cummirciali. U risultatu hè ch'è l'Atlanticu era è ferma au sedisediu di u maiò trafficu cummirciali trà Auropa è America. Sò stati intrapresi numarosi splurazioni scentifichi par studià l'Oceanu è u so ambienti. L'Oceanu hà ancu cuntribuitu significativamenti à u sviluppu ecunomicu di i nazioni chì s'affacciani annantu ad eddu. Oltri à uspità i stradi maiori l'Atlanticu offri abbundanti ghjacimenti di pitroliu in i rocci sidimintarii di i piattaformi cuntinintali, è i riservi maiori di pesca di u mondu. Par prisirvà sti riservi è l'ambienti uceanicu, esistini numarosi trattati chì cercani di riducia l'inquinamentu incausatu da virsamenti di pitroliu è rifiuti plastichi. Dopu à avè rimatu par 81 ghjorni è 4 766 km, u 3 dicembri 1999 Tora Murden divintò a prima donna à avè travirsatu l'oceanu Atlanticu da sola, quandu righjunsi a Guadalupa da l'isuli Canarii.
