A Penisula Anatolica hè stata u viculu di una multitudina di [[civiltà]] è di urganisazioni statali duranti tuttu u corsu di a [[storia]] di l'[[Storia di l'omu|umanità]]. Trà i varii civiltà chì ci si sviluppàni in l'antichità, si poni mintuvà l'[[Ittiti]], i [[Frigia|Frigi]], i [[Traci]], i [[Lidia|Lidii]], l'[[Armeni]] è l'[[Elleni]] (Grechi). Incurpurata in l'[[Imperu|Imperi]] [[Imperu persianu|persianu]], [[Regnu di Macidonia|macidonimacidoniu]], [[Imperu rumanu|rumanu]] è [[Imperu bizantinu|bizantinu]], l'Anatulia ni suvitò i vicissitudini, finch'edda fù invadita da a sterpa tribali di l'Oghuz, di etnia turca, à parta da u [[XI seculu]], à seguitu di a vittoria annantu à l'[[armata bizantina]] di [[Rumanu IV Diogene]] uttinuta in a [[battaglia di Manzicerta]]. L'elementi turcomanni funi prestu urganizati in grandi parti sottu l'insegna di i turchi [[Selgiuchidi]], i quali fundetini una pruperosa è putenti urganisazioni statali incù capitali [[Isfahan]] (i cusidditti "[[Grandi Selgiuchidi]]") è un Statu anatolicu (i cusidditti "Selgiuchidi di Rum"), tremindù distrutti in u corsu di i grandi invasioni [[Monguli|monguli]]. Altra struttura statali turca in Anatulia fù quidda di i [[Danishmendidi]].
