John Maynard Keynes: differenze trà e virsioni

Ecunumista Britannicu
Contenuto cancellato Contenuto aggiunto
Pagina nova: {{c}} thumb|250px|right John Maynard Keynes (5 ghjugnu 1883 - 21 abrile 1946) hè un economistu britannicu di notorietà mondiale, ricunnisciutu cume ...
(Micca sfarenza)

Versione di e 18:14, 11 mar 2010


John Maynard Keynes (5 ghjugnu 1883 - 21 abrile 1946) hè un economistu britannicu di notorietà mondiale, ricunnisciutu cume fundatore di a macroeconomia muderna. U keynesianisimu, a nova economia keynesiana, u neo-keynesianisimu o u post-keynesianisimu sò currenti di pinsamentu esciuti da l'opera di Keynes.

Consideratu cume unu di più influenti teoriciani di l'economia di seculu 20, Keynes participò à a Conferenza di Pace di Versailles à u fine di a Prima guerra mundiale è à l'accordi di Bretton Woods. A propositu di a Conferenza di Versailles, hè cunnisciutu ancu pè a redazzione d'un libru annat'ella, intitulatu E consequenze economiche di a pace, publicatu in u 1919.

A biografia

Keynes hè u figliolu di d'un profesore d'università di logica in Cambridge. Fece e so studie in Eton è ghjunghje u Civil Service, corpu di alti-funzionarii inglesi, eppò diventa profesore d'economia pulitica. Cume Ricardo, hè diventatu riccu grazi'à felici investimenti in bolsa. Sara à spessu consiglieru di u guvernu. Diventa in 1942 Lord Keynes, barone di Tilton.

U pinsamentu economicu

A so prima teoria fù u Trattatu nant'a muneta, ma a so opera maiora fù senza dubitu a Teoria generale di l'impiegu, di l'interessu è di a muneta (1936), chi face a critica di a Lege di Say, mostra e limite di u lascià-fà dapoi u fine di u seculu 19, è da chì offre novi stuviglii pè a messa in opera di politiche economiche. Cusi, pè esempiu, e so opere funu impiegate dopu a Seconda guerra mondiale in u quadru di u sviluppu di u Statu-providenza.

Keynes ghera oppostu à i conservatori cume à i socialisti.

Una macroeconomia nova

Keynes scontr'u «lascià-fà»

Una visione nova di a dumanda

Dapoi Jean Baptiste Say, l'economisti cunsideravanu chi cio chi cunta in un mercatu ghjè l'offerta ; a dumanda vene dopu, di manera automatica, secondu elli.

Ma pè Keynes, hè ancu necessariu d'avè una consomazione chi permette à i stock d'esse venditi.

Ghjè per essa chi, quandu Churchill diminuisce u salariu di i minatori pè diminuisce u prezzu di u carbone inglese nant'u mercatu internaziunale, s'oppone à issa misura, dicendu ch'essa calata di salarii si trasformara in una calata d'un putere di compra, dunque di a consomazione è infine di a produzzione (postu chi dumanda ci ne sara di menu), cusi aumentandu u desequilibriu di l'economia.

Keynes repiglia a sfarenza mostrata da Marx tra :

  • u mercatu di i bieni d'equipamentu
  • u mercatu di i bieni di consomazione

E dice dinò chi, postu chi i bieni d'equipamentu sò produtti sopra cumanda, a dumanda hè (quasi) sempre uguale à a produzzione (è a produzzione ugalue à a dumanda). Dunque, ci vole à analisà sopratuttu a dumanda di i bieni di consomazione, postu chi nantu 'stu mercatu hè per scontru possubile d'avè un desequilibriu.

Un tale desequilibriu, dice Keynes, spiega perchè, in tempi di crisi, i produttori devenu vendè a produzzione sottu i costi di produzzione.

A disoccupazione

Listessu ch'ellu mostra chi pò esistà un desequilibriu nant'u mercatu di i bieni di consomazione, Keynes svilupa una teoria chi mostra cume hè possibile d'avè una disoccupazione sistemica, è micca solu frizzionale.

A muneta

Pè Keynes, a muneta ùn hè micca solu, cume pè i neo-classichi un stallone di valore è un stuvigliu di scambiu, hè ancu una riserva di valore. L'agenti economichi pudenu mete soldi accantu è sparmià.

Opere

  • E consequenzie economiche di a pace, 1919
  • Trattatu nantu a muneta, 1930
  • Teoria generale di l'impiegu, di l'interessu, è di a muneta, 1936

Referimenti

  • Histoire de la pensée économique, da Henri Denis, PUF, pagina 623 : «la pensée de Keynes»


Da vedè dinò

 
Economia
Economisti cunnisciuti  
Economia

Jean Baptiste Colbert - François Quesnay- Adam Smith- Thomas Malthus- David Ricardo- Jean Baptiste Say- Karl Marx- Frédéric Bastiat - Léon Walras- Carl Menger - John Maynard Keynes- Károly Polányi- Friedrich von Hayek- Nikolai Kondratieff- János Harsányi- Kenneth Arrow- Amartya Sen- Michel Aglietta - Joseph Stiglitz - Paul Krugman - Cecil Rhodes