Alà dei Sardi: differenze trà e virsioni

Alà dei Sardi (saldu: Alà o Elà) è una cumuna di a pruvincia di [[Tarranoa-Timpiu]]. Hà 2000 abitadori, è hè situata in a righjoni storica di u Montacutu. A so linga hè u locudoresu sittintriunali, una varietà di sardu un pocu influenzata da u lessicu corsu di a [[Gaddura]]. L'economia si basa principalmenti annantu à l'agricultura è annantu à u pasturiu (pecuri è vacchi). Ogni annu - in u primu branu - in Alà dei Sardi si curri u Trufeu internazionali di Cursa Campestra "ALASPORT", è vi participeghjani i più importanti curridori di u mezufondu mundiali (primatisti mundiali, campioni mundiali è olimpichi). U trufeu hè unu di i più impurtanti d'Auropa pa i participanti. U quattru uttrovi v'è in Alà la festa di Santu Franciscu, è v'è da magnà è da bia pa più di deci milla piligrini di tutta a Sardigna.

 

I primi abitadori di Alà dei Sardi sò stati Balares e Ilienses, dui populazioni trà i più feroci di u tempu anticu. Iddi sò risciuti à tenè a bada l'antichi Romani, chi erani i patroni di u mundu à quiddi tempi. Si dici chì Alà era u capilocu di i Balares, parchì Alà si dici ancu Balà in lingua sarda, è dunqua pò vulè dì "cità di i Balares". Oghji in u territoriu d'Alà vi sò una vintina di siti archeologichi di u periodu nuragicu, è calchì naracu sempri bè cunsirvatu. Dapoi, ancu a zona hè stata rumanizata, ma ancora vi sò tanti tuponimi di lingua nuragica, è quistu faci pinsà chì a rumanizazioni hè stata tardìva è pocu efficaci. In uu Medievu Alà dei Sardi hà fattu parti di u Ghjudicatu di Torres, è dapoi di li paci di Aragona hè passatu à a Cuntrada di Olevà, in l'Incuntrada di Monti Acutu, chì facia parti di i pussidimenti di i Duchi di Gandia, nobili spagnoli.

 

Oghji u paesi hè in a pruvincia di Tarranoa-Timpiu, è hà una economia tradiziunali. Ma da pocu tempu s'hè svilupata l'arti di travaddà u suaru, chì pa qualità hè u meddu di a Sardigna. È ancu l'arti di travaddà i petri di i monti, chì sò richjesti in a Costa Smiralda (Tarranoa, Altzachena) pa rivestì i casi è i tanchi di i turisti. I maestri di muru d'Alà dei Sardi sò i più famosi pa i rivestimenti in petra, in tutta a Gaddura.

 

* Alà dei Sardi [http://www.aladeisardi.altervista.org]

* Alasport [http://www.alasport.it]

 

{{Pruvincia di Tarranoa è Tempiu}}

[[Category:Cumuna di Sardegna]]

 

[[en:Alà dei Sardi]]

[[eo:Alà dei Sardi]]