Lingua di diavulu
| |||||
|---|---|---|---|---|---|
| |||||
| Serapias cordigera | |||||
| Classifica scentifica | |||||
| Regnu | Plantae | ||||
| Classa | Lycopodiopsida | ||||
| Divisione | Tracheophyta | ||||
| Sottudivisione | Spermatophytes | ||||
| Ordine | Asparagales | ||||
| Famiglia | Orchidaceae | ||||
| Generu | Serapias | ||||
| Nome binuminale | |||||
| Serapias cordigera Carl Linnaeus, 1763 | |||||
| |||||
A Lingua di diavulu (Serapias cordigera) hè una spezia di pianta chì face parte di a famiglia di l'Orchidaceae.
Descrizzione
mudificà
A lingua di diavulu hè una pianta erbacea bulbosa, incù fustu altu 20-50 cm, verde in fondu è russicciu in testa. L'apparatu radicale hè custituitu da 2, in rari casi 3, rizotuberi. E foglie, lineare o lungarine, sò di culore verde incù striature viulacee. E brattee sò argintine incù vinature purpurine. I fiori, da 5 à 10, rossu-brunastri, sò raggruppati in un'infiuriscenza densa. I sipali è i petali sò uniti è formanu un elmu chì fascia guasi cumplittamente a basa di u labellu; quellu hè bipartitu in un ipochilu guasi cumplittmente cupartu da l'elmu tipalicu, dutatu di duie callusità basale lucide, purpureu-nirastre, divergente, è un epichilu largu (19-32 mm x 12-23 mm), à forma di core, rivoltu versu u bassu, incù una parte cintrale assai pilosa.
Ripartizione
mudificàA Lingua di diavulu hè originaria di e rigione mediterranie, in particulare da u sudu di l'Europa, di l'Africa Nordu è Mediu Oriente. Omu pò truvà la in ambienti varii tali e pratuline, a machja è e fureste chjare. 'Ssa spezia hà una priferenza per e terre calcarie.
A Lingua di diavulu hè prisente in Corsica.[1] A lingua di diavulu si trova in i prati umiti, in l'ulivete, in e castagnete è in e quercete, sinu à 1100 m d'altitudine.
Biolugia
mudificàA Lingua di diavulu hè una pianta vivace chì fiurisce di veranu. L'impullinazione di 'ssa spezia hè assicurata da l'insetti, per u più ape è farfalle. I fiori producenu un nettare inzuccheratu. I granelli sò spergugliati da u ventu.
Tassonumia
mudificàSerapias cordigera hè ancu cunnisciuta sottu à i sinonimi seguenti : Serapias cordigera subsp. cordigera, Serapias cordigera var. cordigera, Serapias cordigera subsp. cretica, Serapias cordigera var. cretica, Serapias cordigera subsp. peloritana, Serapias cordigera var. peloritana.
U numeru cromusomicu di a lingua di diavulu hè 2n=36.
Ibridi
mudificàSerapias cordigera pò dà vita à ibridi incù altre spezie di Serapias trà e quale [2]:
- Serapias x ambigua Rouy ex E.G.Camus (1892) (S. cordigera x S. lingua)
- Serapias x godferyi A. Camus (1926) (S. cordigera x S.neglecta)
- Serapias x gennaioi A. Turcu & P.Medagli (2011) (S. cordigera x Serapias orientalis apulica)
- Serapias x halacsyana Soó (1931) (S. cordigera x S. bergonii)
- Serapias x kelleri A.Camus (1926) (S. cordigera x S. vomeracea)
- Serapias x provincialis H. Baumann & Künkele, (1989) (S. cordigera x S. olbia)
- Serapias x rainei E.G. Camus (S. cordigera x S. parviflora)
Hè statu inoltre discrittu un ibridu intergenericu incù u generu Anacamptis:
- x Serapicamptis debeauxii (E.G.Camus) J.M.H.Shaw, 2005 (A. papilionacea x S. cordigera)
Spezia simile
mudificàA lingua di diavulu si sceglie da Serapias neglecta per via di a culurazione più scura ch'è u labellu è per l'ipochilu guasi cumplittamente cupartu da l'elmu tipalicu.
Cunsirvazione
mudificàA Lingua di diavulu hè una spezia chì hè cunsiderata cum'è essendu di preoccupazione minore sient'è a lista rossa di l'Unione internaziunale per a cunsirvazione di a natura (UICN). Eppuru, certe pupulazione ponu esse minacciate per causa di a distruzzione di u so ambiente naturale, in particulare per causa di l'urbanisazione è di l'agricultura intensiva. E misure di cunsirvazione, tale a prutezzione di l'ambienti è a sensibilisazione di u publicu, sò necessarie per prisirvà 'ssa spezia.
Com'è tutte l'urchidee, a lingua di diavulu hè prutetta da a cunvinzione internaziunale di Washington (CITES) chì interdisce u cummerciu di e spezie di fauna è di flora minacciate di sparizione.
Riferimenti
mudificà- Jeanmonod D. & Gamisans J. (2013) Flora Corsica (2 ed), Edisud.
- [https://web.archive.org/web/20120111155047/http://adecec.net/adecec-net/parutions/pdf/corsesetplantes.pdf Archiviu 2012-01-11 at the Wayback Machine Conrad, Marcella, I corsi è e piante salvatiche, avà è innanzi, 1981, Adecec]
- Gamisans, Jacques (1996), A flora endemica di Corsica - La flore endémique de Corse, Edisud (in francese)
Note
mudificà- ↑ Jeanmonod & Gamisans (2013).
- ↑ Serapias: World checklist of selected plant families, The Board of Trustees of the Royal Botanic Gardens, Kew.
Altri prugetti
mudificà
Serapias cordigera Archiviu 2012-01-11 at the Wayback Machine annantu à Wikimedia Commons.
