Sambucu

U sambucu hè un arbustu scascianti appartinendu à a famiglia di l'Adoxaceae. Pò aghjunghja un'altezza da 3 à 6 metri è prisenta un prufilu attundatu. I casci sò cumposti è upposti, incù una tissitura roza è un culori verdi scuru. I fiora sò chjuchi, bianchi è ragruppati in grandi cucculi. I frutti sò baghi neri, lampanti è tossichi quand'eddi sò cunsumati crudi.

Ripartizioni

U sambucu hè urighjinariu d'Auropa è d'Asia uccidentali, ma hè stata intraduttu in numarosi righjoni di u mondu par causa di i so prubità midicinali è di u so usu in l'alimantazioni. Omu u trova par u più in i zoni timparati, ind'eddu cresci in i furesti, l'arici, i sebbi è i pratulini.

Sambucus nigra hè prisenti in Corsica.^[1] Esistini parechji sottuspezii di sambucu in Corsica (Gamisans 1993):

sambucus nigra var. nigra: a sottuspezia cumuna di sambucu
sambucus nigra var. decussata: una spezia endemica rarissima
sambucus nigra var. laciniata: una spezia schersissima

Biulugia

U sambucu hè una pianta vivaci chì si ripraduci par u più par via di graneddi. Fiurisci da maghju à lugliu, attirendu numarosi insetti inamacatori tali l'abbi è i sbarabattuli. I baghi maturani à a fini di l'istati è sò spargugliati da l'aceddi chì si cibani di i so frutti. I graneddi poni ancu essa dissiminati da l'acqua o da u ventu. U sambucu hè una pianta rusticana chì pò risista à cundizioni climatichi varii.

Tassunumia

Sambucus nigra apparteni à u genaru Sambucus, chì cumprendi circa 30 spezii diffarenti. Certi sinonimi usati par disignà 'ssa pianta sò Sambucus virescens, Sambucus vulgaris, Sambucus canadensis, Sambucus nigra subsp. canadensis è Sambucus nigra var. canadensis.

Cunsirvazioni

U sambucu hè una pianta cumuna è largamenti sparta, ciò chì li cunfarisci un statutu di priaccupazioni minori in termini di cunsirvazioni. Eppuri, a distruzzioni di u so ambienti naturali è l'eccessu di sfruttamentu di i so baghi pudariani avè un impattu negativu annantu à a so pupulazioni à longu andà. Hè dunqua impurtanti di prisirvà l'ecusistemi induva u sambucu si trova è di prumova un usu durevuli di i so risorsi.

Lessicu

Accadi chì sambucu fussi imprudatu in a tupunimia corsa: par asempiu in a furesta di Sambucu, annantu à a cumuna di Sari è Sulinzara.

Rifarimenti

Jeanmonod D. & Gamisans J. (2013) Flora Corsica (2 ed), Edisud.
Ciavatti, Petru (dir. redazzione) Dizziunariu U Muntese, 1984, Albiana

Noti

↑ Jeanmonod & Gamisans (2013).

Da veda dinò

u sambucheddu: sambucus ebulus

Altri prugetti

Sambucus nigra annantu à Wikimedia Commons.

[1] Jeanmonod & Gamisans (2013).

[1]