A raza
Smilax aspera
Classificazione scentifica
Regnu Plantae
Divisione Magnoliophyta
Classa Liliopsida
Ordine Liliales
Famiglia Smilacaceae
Generu Smilax
Nome binuminale
Smilax aspera
Aiton, 1753
A raza

A Raza (Smilax aspera) hè una pianta chì face parte di a famiglia di e Smilacaceae.

Smilax aspera

Descrizzione mudificà

A raza hè longa sin'à 2 metri. Fiurisce d'aostu à uttrove. I frutti sò bagarelli rossi, cuncolti in gaspi, chì maturanu di vaghjimu. Cuntenenu granelli tamantinelli è tondi. Lazzi è pocu appitittevuli per l'omu, custituiscenu una fonte di nutrimentu per numerose spezie d'acelli. Sò maturi da nuvembre à dicembre. E casce à forma di core anu lati zimbrunuti, è a narbatura cintrale di a faccia infiriore hè anch'ella zimbrunuta. I fiori assai prufumati sò chjuchi, giallicci o virdicci, discreti è riuniti in picculi cucculi.

A radica di a raza cuntene numerosi principi attivi frà i quali si pò mintuvà: a smilacina, a salsasapunina, l'acidu salsasapinicu.

Ripartizione mudificà

A raza hè diffusa in u Messicu, in l'isule Canarie, in Africa centrale, in Asia centrale è in e regione di l'area mediterranea. Si scontra da u livellu di u mare sin'à 1200 metri.

In Corsica mudificà

A raza hè assai cumuna in Corsica. Si trova à spessu in a machja è in e fureste.

Lessicu mudificà

A raza hè ancu chjamata u razu (u razzu in u sartinese) o ancu a tìrria.

Referenze mudificà