Pirituu
In a mitulugia greca Pirituu (in grecu Πειρίθοος) hè u rè di i Lapiti, figliu di Issioni (o, sicondu altri virsioni, di Zeus) è di Dia. Pirituu hè patri di Polipeti.
Mitu
mudificàParticipò à a spidizioni di l' Argunauti à a ricerca di u veli d'oru è fù grandi amicu di Teseiu. Duranti u so matrimoniu incù Ippudamia, figlia di Buti, Pirìtuu invitò à i nozzi i centauri, chì imbriacati si circoni di mulistà Ippudamia. In a rissa chì siguì Pirituu, Teseiu è i Lapiti riiscini a scaccià i centauri da u monti Peliu. In u tentativu di rapiscia Persefoni, Pirituu scesi in u Tartaru incù Teseiu. Adi parò i catturò fendu li seda annantu à dui trona di petra, chì in rialità erani i seghji di l'ubliu. Quandu Erculu scesi in l'nferni par rapiscia Cerbaru l'incuntrò è libarò Teseiu, ma ùn poti fà altrettantu incù Pirituu: a terra iniziò a trimà è Erculu capì chì par i dii di l'inferni u Lapita divia firmà in l'Adi. Sicondu Virghjliu, Adi cundannò di novu à a "sedia di l'ubliu" Teseiu quandu quisti murì, è sta volta par sempri, mentri di Pirituu dici chì firmò incuddatu annantu à u seghju finu à a morti, dopu ch'hè li fù assignata un'altra pena da scuntà quì in u Tartaru: fù cundannatu à sustà sottu una rocca, nantu à a summità di a quali c'era una petra sempri annantu à u puntu di cada li à dossu.