Passera muntagnola

A passera muntagnola
Prunella collaris
Classifica scentifica
Regnu	Animalia
Divisione	Chordata
Classa	Aves
Ordine	Passeriformes
Famiglia	Prunellidae
Generu	Prunella
Nome binuminale
Prunella collaris Linnaeus, 1753

A passera muntagnola (Prunella collaris) hè una piccula passera di a famiglia di i Prunellidae.

Descrizzione

A passera muntagnola in i Pirenei

Si tratta di un acellu di a taglia di una merula, misurendu 15-17, 5 cm di longu, appena più maiò ch'è u so parente, u biccazzu. Hà un spinu brunu striatu, assumigliendu si appena à u passeru casanu, ma l'adulti anu una testa grisgia è e tacche rossi è bruni annantu à e parte inferiore. Hà un bizzicu fine è pinzutu di insettivoru.

I sessi sò simili, bench'è l'apparenza di u masciu possa esse cuntrastata. I ghjovani acelli anu a testa è e parte inferiore più brune.

Distribuzione è ambiente

Omu trova a passera muntagnola in tutte e muntagne di l'Europa timperata meridiunale, da u Libanu è da l'Asia à alture superiore à 2000 m (6600 ft) 10. Hè per u più residente, inguernendu più largamente à latitudine più basse, ma certi acelli vaganu cum'è rari vagabondi chì sò stati osservati insin'à Grande Brittagna.

Hè un acellu di e zone muntose spilandrate incù un pocu di vegetazione bassa.

A passera muntagnola hè prisente in Corsica.

Biolugia

Riproduzione

Prunella collaris collaris

A passera muntagnola custruisce un nidu à fiore di un machjone o di un caravone rucciosu, è face da 3 à 5 ovi turchini micca pichjulati.

U sistemu d'accupiamentu hè particularmente interessante. I duminii vitali sò occupati da gruppi riproduttori di 3 o 4 masci incù 3 o 4 femine. Si tratta d'acelli micca imparintati chì anu un sistemu d'accupiamentu sucialmente poliginicu. I masci anu una ierarchia di duminanza. E femine cercanu à accuppià si incù tutti i masci, benchì u masciu duminante possa difende la contru à l'accupiamenti di i masci di rangu inferiore. À u so tornu, i masci cercanu à accuppià si incù tutte e femine. L'impronte genetichi sò stati usate per mustrà ch'è, in e nichjate, ci hè à spessu una paternità mista, benchì a femina sia sempre a sputica mamma di i piugoni allivati in u so nidu. I masci furniscenu u cibu à i piugoni in parechji nidi di u gruppu, sient'è ch'è elli si sò accuppiati o nò incù a femina - i masci ùn furniscenu e cure ch'è quandu elli sò suscettibili di esse i sputichi babbi di i piugoni.

Tassonumia

A passera muntagnola hè stata discritta da u naturalistu austriacu Giovanni Antonio Scopoli in u 1769. Hà invintatu u nome binumiale Sturnus collaris è hà specificatu ch'è a lucalità tipu era a rigione di Carintia, in u sudu di l'Austria. L'epitetu specificu vene da u latinu collaris chì significheghja "di u collu". 'Ssa spezia hè avà piazzata in u generu Prunella chì hè statu introduttu da l'ornituloga francese Luigi Vieillot in u 1816. A passera muntagnola, è ancu l'accentore di l'Altaï, hè qualchì volta spiccata da l'altri accentori, in u generu Laiscopus.

A parola "accentore" vene da u latinu purclassicu è significheghja una persona chì canta incù un'antra. U nome di u generu Prunella vene da u tedescu Braunelle, un diminutivu di braun, chì vole dì "brunu".

Sottuspezie

Nove sottuspezie sò cunnusciute:

• Prunella collaris (Scopoli, 1769) - mezupunente di l'Europa sinu à a Sluvenia è i Carpazi, nordupunente di l'Africa.
• Prunella collaris subalpina (Brehm, CL, 1831) - da a Cruazia à a Bulgaria è a Grecia, a Creta è u mezupunente di a Turchia.
• Prunella collaris montana (Hablizl, 1783) - nordu è livante di a Turchia sinu à u Caucasiu è à l'Iranu.
• Prunella collaris rufilata (Severtzov, 1879) - nordestu di l'Afganistanu è nordu di u Pacchistanu à traversu e muntagne di l'Asia cintrale insin'à u punente di a China.
• Prunella collaris whymperi (Baker, ECS, 1915) - punente di l'Himalaya.
• Prunella collaris nipalensis (Blyth, 1843) - centru è livante di l'Himalaya sinu à u centru di a China è à u nordu di u Myanmar.
• Prunella collaris tibetana (Bianchi, 1905) - Tibetu orientale.
• Prunella collaris erythropygia (R. Swinhoe, 1870) - da u livante di u Kazakhstan è da u centru di a Siberia à u nordestu di a Siberia, à u Giappone, in Corea è à u nordestu di a China.
• Prunella collaris fennelli (Deignan, 1964) - Taiwan.

Cunsirvazione

A passera muntagnola hè una spezia relativamente sparta è a so pupulazione hè cunsiderata cum'è stabile. Ùn hè micca attualmente minacciatu d'estinzione. Eppuru, a distruzzione di u so ambiente naturale è i cambiamenti climatichi puderianu avè un impattu annantu à a so pupulazione à longu andà. E misure di cunsirvazione, tale a prisirvazione di e zone umite è pratuline, sò essenziale in certi lochi per assicurà a sopravvivenza di 'ssa spezia.

Riferimenti

• J.-C. Thibault & G. Bonaccorsi, The birds of Corsica, British Ornithologists’ Union, Check-list n°17, 1999
• J.-C. Thibault, Connaître les oiseaux de Corse - Acelli di Corsica, Ed. Albiana, 2006

Altri prugetti

• Prunella collaris annantu à Wikimedia Commons.