Paese di e Cuppulate
U Paese di e Cuppulate hè un stabilimentu situatu annantu à a cumuna di Moltifau à u locu dettu Tizzarella, à l'intrata di e Gole di l'Ascu, annantu à a sponda sudu di a vadina l'Ascu chì n'hè spiccatu da u stradone D147. U Paese di e Cuppulate hè statu accunciatu annantu à unu spaziu di 10 ettari.[1]
U Paese di e Cuppulate hè gistitu da u Parcu Naturale Regiunale di Corsica, incù l'aiutu di a cumuna di Moltifau, a Direzzione Regiunale di l'Ambiente, a Cullittività Territuriale di Corsica, a SOPTOM (Stazione d'Ossirvazione è di Prutezzione di e cuppulate è di i so Mezi) Corsica, a SOPTOM Gonfaron è a Direzzione Départementale di a Ghjuventù è di i Sporti. U paese hà per vucazione d'infurmà è di sinsibilizà u pubblicu à a prutezzione di a cuppulata d'Hermann, d'allivà in un mezu prutettu un gruppu d'animali destinati à u ripupulamentu di l'ambiente naturale.
A cuppulata d'Hermann hè una cuppulata terranea chì face parte di l'animali minacciati di sparizione. Hè à 'ssu titulu ch'ella hè prutetta.
U spaziu di u paese hè divisu in sittori riservati à e cuppulate d'Hermann, à l'altre cuppulate di Corsica è à e cuppulate di u mondu. Un compulu di riproduzione è un spaziu dedicatu à l'allevu ci sò stallati.
Scagnu d'accuglienza
mudificà
Intornu à u Paese di e Cuppulate, ci hè u stradellu di scuperta di Tizzarella L'Omu è a Furesta d'una lunghezza di 1 650 m. A visita (in tempu estivu) smarra da u scagnu d'accuglienza, dura un'ora è tratta di setti temi (arburu morte arburu di vita, u fiumicellu, l'arburu è u soffia pueticu, u compulu, u tempu di i pastori, miti è ligende, u focu u ventu a furesta).
Note
mudificà- ↑ 'Ss'articulu pruvene in parte da l'articulu currispundente di a wikipedia in francese.