Oreopteris limbosperma
| |||||
|---|---|---|---|---|---|
| |||||
| Oreopteris limbosperma | |||||
| Classifica scentifica | |||||
| Regnu | Plantae | ||||
| Divisione | Pteridophyta | ||||
| Classa | Filicopsida | ||||
| Ordine | Polypodiales | ||||
| Famiglia | Thelypteridaceae | ||||
| Generu | Oreopteris | ||||
| Nome binuminale | |||||
| Oreopteris limbosperma (All.) Holub, 1969 | |||||
| |||||
Oreopteris limbosperma hè una spezia di filetta chì face parte di a famiglia di e Thelypteridaceae.[1]
Descrizzione
mudificàOreopteris limbosperma cresce cum'è una pianta erbacea vivace. U rizomu hè cortu è ascendente. E fronde sò disposte in una rusetta à forma d'imbutu. E fronde anu una lunghezza da 30 à 100 centimi. U picciolu, chì ùn misura ch'è una vintina di centimi, pussede dui fasci cunduttori. Cum'è a parte inferiore di u picciolu, hè copertu à scaglie gialle. E fogliole gialle o verde, cuperte di peli ghjandulosi gialli è corti peli bianchi in sottu, anu un odore finu di limone. Sò lanceolate, pinzute è in modu rimarchevule ristrittite à a basa, incù e fogliole attundate è appena merlate annantu à i bordi.
I ricettaculi di e spore (sori) bruni o neri sò disposti annantu à dui ranghi annantu à a faccia inferiore di e fronde purtendu e spore è sò avvicinati di u bordu di e fogliole. U velu di i sori casca prestu.
U numeru di cromusomi hè di 2n68.
Ripartizione
mudificàOreopteris limbosperma hè circumpulare in e rigione oceaniche d'Europa, d'Asia orientale è di u punente di l'America suprana. A filetta di e muntagne si trova per u più in e rigione muntose, ma ancu in e rigione di bassa altitudine di u nordestu (Rügen) è da punente (Bergisches Land).
Oreopteris limbosperma culunizeghja e fureste miste di muntagna ricche d'erbacee, i licceti adumbrati è poveri in spezie, l'alzete è e fonte furestiere, cumpresu annantu à e ricce umite, induv'ella hè à spessu prisente di manera sicundaria. Cresce u megliu annantu à e terre arzillose, à umidità varievule, povere in nutrimenti è in base, in e rigione piuvose à forte umidità atmusferica.
Oreopteris limbosperma hè prisente in Corsica.[2]
Riferimenti
mudificà- Jeanmonod D. & Gamisans J. (2013) Flora Corsica (2 ed), Edisud.