Orchis anthropophora

Orchis anthropophora
Orchis anthropophora
Classifica scentifica
Regnu	Plantae
Divisioni	Magnoliophyta
Classa	Liliopsida
Ordini	Orchidales
Famiglia	Orchidaceae
Genaru	Orchis
Nomu binuminali
Orchis anthropophora ( L. ) All. , 1785

Orchis anthropophora hè un fiori chì faci parti di a famiglia di l'Orchidaceae.

Discrizzioni

L'Orchis anthropophora hè una spezia d'urchidei terranii vivaci appartinendu à a famiglia di l'Orchidaceae. 'Ssa pianta arbacea si caratterizeghja da i so fiora curiosi à forma di picculi parsunaghji, disposti in gaspa densa annantu à u picciolu fiurali.

I casci di l'Orchis anthropophora sò basali, uvali à lanceulati, d'un culori verdi chjaru à verdi scuru. Sò disposti à a basa di u picciolu fiurali è poni ancu essa prisenti longu à u picciolu, divintendu prugrissivamenti più chjuchi à capu insù. U picciolu, ribustu è rittu, pò aghjunghja un'altezza da 30 à 60 centimi.

I fiora, d'un culori virdicciu o brunicciu, sò ragruppati in infiuriscenzi à forma di gaspa densa, cumposti da 20 à 50 fiora. U labeddu hè divisu in trè lobi, chì i so lobi latirali sò incurvati è u lobu cintrali s'assumiglia à un picculu parsunaghju umanoidi. I fiora di l'Orchis anthropophora sò ermafruditi è sò inamacati par u più da l'insetti.

Ripartizioni

L'Orchis anthropophora hè prisenti par u più in Auropa, in particulari in Francia, in Belgica, in Alimagna, in Italia, in Grecia è in a penisula iberica. 'Ss'urchidea prifirisci l'ambienti varii, tali i pratulini secchi, i machji, l'arici di furesti è i landi. Apprizzeghja i terri beddi assiccati è appena aciti o neutri, è si sviluppa in zoni esposti à u soli o à meza ombra. A spezia pò essa truvata à altitudini andendu da u liveddu di u mari sinu à circa 2000 metri.

L'Orchis anthropophora ùn hè micca cunsidarata com'è una spezia minacciata à a scala mundiali. Eppuri, in certi righjoni, pò essa prutetta par causa di a digradazioni di u so ambienti è di a racolta illegali di i so fiora. 'Ss'urchidea hè ancu prutetta da a Cunvinzioni annantu à u cummerciu internaziunali di i spezii di fauna è di flora salvatichi minacciati d'estinzioni (CITES), chì intardisci u so cummerciu. Sforzi di cunsirvazioni, tali a missa in piazza di riservi naturali è di prugrammi di riintruduzioni, sò fatti in certi loca par pruteghja è prisirvà 'ssa spezia d'urchidea.

Orchis anthropophora hè prisenti in Corsica.

Rifarimenti

• Jeanmonod D. & Gamisans J. (2013) Flora Corsica (2 ed), Edisud.