Lingua serpina

A lingua serpina
Ophioglossum lusitanicum
Classifica scentifica
Regnu	Plantae
Divisione	Polypodiophyta
Classa	Polypodiopsida
Ordine	Ophioglossales
Famiglia	Ophioglossaceae
Generu	Ophioglossum
Nome binuminale
Ophioglossum lusitanicum Linnaeus, 1753

A Lingua serpina (Ophioglossum lusitanicum) hè una pianta chì face parte di a famiglia di l'Ophioglossaceae.

Descrizzione

A lingua serpina hè una pianta vivace assai chjuca (trà 3 è 8 cm d'altezza à maturità). A parte suttarrania hè custituita da un rizomu fibrosu. E (da una à trè) casce o fronde sterile ponu aghjunghje 8 cm. Ponu esse di forma lineare lanceolate o strettamente lanceolate (da 6 à 15 mm di largu). E (una o dui) fronde fertile sò più inalzate quandu elle ghjunghjenu à maturità. Sò terminate da una picculu spiga, lineare, à spessu acuta, distica, chì cuntene e spore lisce.

Ripartizione

A lingua serpina hè originaria di numerose rigione timperate à calde (è soprattuttu à inguerni dolci) di l'anzianu mondu. A so area di ripartizione copre una parte di l'Europa atlantica (Azzore, Canarie, Portugallu, Spagna, Isule Sorlinghe è Guernesey (Grande Brittagna), è e rigione mediterranie di Francia, Italia, exi Iugoslavia, Grecia), certe zone di l'Africa (Maroccu, Algeria, Tunisia, Tanzania, Uganda) è di l'Asia (Turchia, Israele, Georgia è India, in particulare Andhra Pradesh, Assam, Bihar, Goa, Jammu-et-Cachemire, Karnataka, Kerala, Madhya Pradesh, Maharashtra, Orissa, Pendjab, Tamil Nadu, Uttar Pradesh, Bengale Occidentale).

A lingua serpina hè prisente in Corsica.

Biolugia

A lingua serpina hè una filetta vivace chì si riproduce per u più per via di spore. A parte fertile di a fronda produce spurangi cuntinendu e spore. Quandu i spurangi maturanu, s'aprenu per liberà e spore in l'ambiente. E spore sò dopu spergugliate da u ventu o l'acqua, è quand'elle trovanu cundizione favurevule, germineghjanu per dà nascita à nuvelle piante.

Tassonumia

Esistenu dinù sinonimi per Ophioglossum lusitanicum, tali Ophioglossum vulgatum var. lusitanicum è Ophioglossum vulgatum subsp. lusitanicum.

Cunsirvazione

A lingua serpina hè cunsideratu cum'è una spezia vulnerabile per causa di a distruzzione di u so ambiente naturale. E pratuline inundevule è i paduli induve 'ssa filetta si trova sò à spessu assiccati o cunvertuti in terre agricule. Di più, a racolta eccessiva di 'ssa spezia à fine ornamentale hà ancu cuntribuitu à a so diminuzione. E misure di cunsirvazione sò necessarie per pruteghje 'ssa spezia è prisirvà u so ambiente.

Riferimenti

• Jeanmonod D. & Gamisans J. (2013) Flora Corsica (2 ed), Edisud.

Altri prugetti

• Ophioglossum lusitanicum annantu à Wikimedia Commons.