Ochju di Santa Lucia
L' ochju di Santa Lucia hè l'uperculu calcariu ch'è Bolma rugosa, un molluscu gasteropodi di a famiglia di i Turbinidae chì vivi in u Mari Tarraniu, improda par chjuda si indrentu à a so cunchiglia. L'ochji di Santa Lucia sò simili à una petra dura. Difatti, sò a piccula porta di casa, insirita nantu à una grandi cunchiglia à forma spiralata di un mulluscu, a Bolma rugosa. Sò un portafurtuna, un talismanu, un amuletu contru à l'ochju.
Lighjenda
mudificàLucia era una ghjovana siracusana di nobili famiglia. A so mamma era tocca da una malatia incurabili. Lucia pricò incù firvori a Verghjina Maria chirendu u so risanamentu. U miraculu accadì è a mamma di Lucia guarì da a malatia chì l’avarìa altrimenti cundutta à a morti.
,_Parque_natural_de_la_Arr%C3%A1bida,_Portugal,_2020-07-21,_DD_70.jpg)
Lucia si cunsacrò anima è corpu à a Verghjina Maria. A so didizioni era talmenti scunfinata chì, pè alluntanà tutti i pussibuli pritindenti, si strappò l'ochji è i lampò in mari. Da tandu, a ghjovana siracusana si didicò à l'intuttu à a prighera è à aiutà à l'altri.
Lucia cumpiì parechji miraculi. A Verghjina Maria, videndu tuttu quissu, a ricumpinsò di a so divuzioni: li resi a vista dunendu li ochji splendidi è lucenti.
Tradizioni
mudificàNantu à a rena di Corsica, si truva assà uperculi di cunchigli incù una forma attundulata. A tradizioni voli chì quiddi siini l'ochji di Santa Lucia, chì sò cunsidarati un portafurtuna è, cosa più impurtanti, ch'eddi alluntanani l'ochju.