- Quandu a matina m'arrizzu à bon'ora
- Sempre cuntentu com'un pascià
- Mi vene in core di sorte fora
- À vede lu tempu, ciò chì vole fà
- Ma s'ellu piove o s'ell’hè nivulatu
- Mi n'entru in casa è dicu à bà
- Stà pur'à dorme ùn hè peccatu
- Stamane piove ùn si pò travaglià
- O chì bella vita, chì tuttu u mondu la dica
- Caffè cù l'acquavita dopu cognac è tè
- O chì bella vita, chì tuttu u mondu la dica
- Caffè cù l'acquavita dopu cognac è tè
- Dopu meziornu appena manghjatu
- Sentu una voce chì vene à chjamà
- Sta voce hè quella d’un camaratu
- Chì per le donne m’invita à andà
- S'ella mi vene l'uccasione
- D'una zitella à suvità
- Subitu n'aghju la passione
- È mi ne scordu ancu di manghjà
- Tutte le volte mamma mi dice
- Sta galuppata ùn pò durà
- Hè megliu chì tù a pigli a moglia
- O a to saluta si ne và
- Eiu pè le donne sò passiunatu
- Manghju li soldi in quantità
- À mè hè babbu chì m'hà amparatu
- È per la vita ùn mi possu scurdà.
