Marena (spezia)

A Marena
Muraena helena
Classificazioni scentifica
Regnu	Animalia
Divisioni	Chordata
Classa	Actinopterygii
Ordini	Anguilliformes
Famiglia	Muraenidae
Genaru	Muraena
Nomu binuminali
Muraena helena Linnaeus, 1758

A Marena (o Murena) (Muraena helena) hè una spezia di pesciu di mari chì faci parti di a famiglia di i Muraenidae.

Discrizzioni

A marena hè longa sin'à 1,5 metri. Hè carattarizata da u so corpu longu è a so canteghja spurghjenti munita di denti zimbrunuti. Stà di ghjornu in i tafona di i scogli, com'è u groncu è caccighjeghja pesci o cifalupodi com'è u polpu di notti. Si scontra in u Mari Tarraniu ma ancu in u mari Atlanticu uriintali.

Ripartizione

A marena hè prisenti in acqui timperati è trupicali di l'uceanu Atlanticu, di u mari Terraniu sinu à u golfu di Guinea. Omu a ritrova dinò in u mari Rossu è in l'uceanu Indianu.

In Corsica

A marena hè prisenti in acqui marini di Corsica.

Biolugia

A marena cumuna hè un pridatori nutturnu chì si nutrisci par u più di pesci, di crustacei è di cefalopodi. Si piatta in i ciottuli di i scogli curaddini o frà i scogli par surprenda i so predi. A so riproduzioni hè uvipara è l'ovi sò ficundati in pienu acqua.

A marena hè un animali chì hè agrissivu s'eddu hè fertu eppò divintà tandu priculosu.

Tassonumia

A marena' hè stata discritta par a prima volta da u naturalistu svidesi Carl Linnaeus in u 1758. Hè dinò cunnisciuta sottu à i sinonimi di Gymnothorax helena è Muraena cinerea.

Cunsirvazioni

A marena cumuna hè una spezia rilativamenti cumuna in a so area di ripartizioni. Eppuri, hè minacciata da a distruzzioni di u so ambienti naturali duvuta à a polluzioni di l'acqui è à pesca intensiva. I misuri di cunsirvazioni sò nicissarii in certi loca par prisirvà 'ssa spezia.

Riferimenti

• Rughjeru Miniconi, Parlata aghjaccina cittatina è paisana, Ed. A Barcella, 2017.

Liami

• [https://web.archive.org/web/20070813031827/http://www.matinalatina.com/lingua/lingua_pdf.php?num=3 Archiviu 2007-08-13 at the Wayback Machine Vucabulariu aiaccinu di a pesca, Matina latina]

Altri prugetti

• Muraena helena Archiviu 2007-08-13 at the Wayback Machine annantu à Wikimedia Commons.