A maredda
Helichrysum italicum
Classifica scentifica
Regnu Plantae
Divisioni Tracheophyta
Sottudivisioni Spermatophytes
Ordini Asterales
Famiglia Asteraceae
Genaru Helichrysum
Nomu binuminali
Helichrysum italicum
Carl Linnaeus, 1753

A maredda (Helichrysum italicum) hè una spezia di pianta chì faci parti di a famiglia di l'Asteraceae.

Discrizzioni mudificà

Helichrysum italicum hè una pianta arbacea vivaci appartinendu à a famiglia di l'Asteraceae. Si caratterizeghja da i so casci arghjintini è i so fiurareddi giaddi ragruppati in capulini. 'Ssa pianta misura di regula trà 20 è 60 centimi d'altezza.

Ripartizioni mudificà

A maredda hè urighjinaria di i righjoni mediterranii, in particulari di l'Italia, di a Francia, di a Spagna è di a Grecia. Si pò ancu truvà la in certi righjoni d'Africa subrana. Cresci par u più in ambienti assuliati è secchi, tali i cuddini rucciosi è i tarreni calcarii.

In Corsica mudificà

A maredda hè prisenti è cumuna in Corsica.[1] Esistini in Corsica dui sottuspezii di maredda:

  • Helichrysum italicum subsp. italicum: a maredda a più cumuna
  • Helicrysum italicum subsp. microphyllum: a maredda di Bonifaziu

Biulugia mudificà

A maredda hè adattata à i cundizioni aridi è pò sopravviva in i terri povari in nutrimenti. I so casci arghjintini sò cuparti à pela chì aiutani à riducia a perdita d'acqua in evapurazioni. A maredda fiurisci di regula da ghjugnu à aostu, pruducendu fiurareddi giaddi chì sò ricchi di nettaru è attirani l'insetti inamacatori tali l'abbi è i sbarabattuli.

Tassunumia mudificà

Helichrysum italicum apparteni à u genaru Helichrysum, chì ragruppa circa 600 spezii diffarenti. Esistini dinò sinonimi par 'ssa pianta, tali Helichrysum angustifolium è Helichrysum angustifolium subsp. italicum.

Cunsirvazioni mudificà

A maredda hè cunsidarata com'è una pianta midicinali è arumatica priziosa. I so casci è i so fiora sò apradati in a pruduzzioni d'olii escinziali, di profumi è di prudutti cusmetichi. Eppuri, par causa di a dumanda criscenti di 'ssi prudutti, a pianta hè divintata vulnerevuli à l'eccessu di sfruttamentu. I misuri di cunsirvazioni sò nicissarii par prisirvà i pupulazioni salvatichi di 'ssa spezia è garantiscia a so durabilità à longu andà.

Ecunumia mudificà

Ci hè in Corsica una pruduzzioni d'oliu essinziali di maredda. Si coglii a maredda da ghjugnu à mezu lugliu. Ùn si coglii cà u fiori è a parti supiriori di a pianta.

Lessiculugia mudificà

Altri nomi di a maredda in corsu sò: a murella, a murza.

Rifarenzi mudificà

  • David Burnie (1995) Wild Flowers of the Mediterranean. ISBN 0-7513-2761-1 (in inglesu)
  • Helichrysum italicum
  • Gamisans, J. & Jeanmonod, J. (1993) Catalogu di i pianti vascularii di Corsica - Catalogue des plantes vasculaires de la Corse, Conservatoire et jardin botanique de la ville de Genève: Genève (in francesu)
  • Jeanmonod D. & Gamisans J. (2013) Flora Corsica (2 ed), Edisud.

Liami mudificà

Altri prugetti mudificà

  1. Jeanmonod & Gamisans (2013).