Lamentu d'una viduvella
U Lamentu d'una viduvella hè un lamentu publicatu da Petru Lucciana, dettu Vattelapesca (1832-1909). Hè statu stampatu in l'Annu Corsu (1923).
Lamentu d'una viduvella mudificà
(in morte di a so unica figliola.)
- Di u sangue di u mio core
- Nutritu, o dolce amore,
- Passasti cum'è fiore
- Ch'è tùrbine rapì !
- In questa dura stanza
- Ahì, nulla più m'avanza !
- Da u mondu ogni speranza
- Cun tecu mi svanì!
- Deh, prega u cel' pietosu
- Ch'è à u mio si dulurosu
- Camminu dia riposu
- O m'armi di virtù.
- Eo pur' l'accurteria...
- Ma nò! per quella via
- Luntanu arriveria
- Da u locu duve sì tù!
- Poichè quella chì ghjera
- Un anghjulu quì in terra
- A so celeste sfera
- Si piaque di bu1à,
- P'a cruda so partenza
- Ispira mi pazienza,
- O Diu, ch'è a so presenza
- Eo godi alfin culà!
- Ah! per chì rabbia strana,
- O morte disumana,
- Cù a to sgherbata mana
- Ardisti mai tuccà
- 'Ssu corpu dilicatu,
- È fior' si profumatu
- Cù u velenosu fiatu
- Per sempre dissiccà.
- Guarda! A so fussarella
- Pare a natura anch'ella
- Facendu si più bella,
- Chì voglia rende onore!
- Pè a mio figliola santa
- U rusignolu canta,
- È s'infiora ogni pianta
- Cun più grazia ed amore!
- È perfinu da u ventu
- In suave lamentu
- Di a mio anghjulella sentu
- U nome sussurà !...
- Ma tù, cun cigliu asciuttu,
- O morte, sdrughji tuttu
- À u vellu più ch'è à u bruttu
- Mustrendu crudeltà !