Konghou

U konghu (Template:Zh-cp) hè un'anziana arpa chinesa, dinò cunnisciuta sottu à u nomu di kanhou, spinta dapoi l'ebbica di a Dinastia Ming. Hè riapparsa, sottu à una forma appena diffarenti à u seculu XX di manera assà discreta.

Incisioni chinesa antica. Inghjò à manca, una ghjucadora di konghou à 14 cordi

Fattura

Esistini parcehji varianti :

• Wo-konghou o konghou urizuntali, minziunatu par a prima volta in i scritti di u Periudu di i Brani è di i Vaghjimi (770 - 476 av. G.-C.).
• Su-konghou o konghou virticali, apparsu in u periudu Dinastia Han uriintali (25 - 220).
• U konghou à testa di Fenici intraduttu da l'India in u periudu di Dinastia Jin uriintali (317 - 420).

Ghjocu

U trattu distintivu principali di u konghu mudernu rispettu à l'arpa uccidentali hè custituitu da i cordi ripiigati in dui parmittendu à i musicanti spirimintati di apradà i tecnichi di ghjocu avanzati com'è u vibratu. I dui infilarati di cordi accennani dinò a rialisazioni di ritmi o di tratti rapiti.

U konghu era apradatu par ghjucà u iaiue (musica di corti) in u riamu di Chu. Mentri u periudu di a Dinastia Han (-206 - 220) u konghu era usatu in u qingshangiue (musica di genaru). À u principiu di a Dinastia Sui (581 - 618), u konghu era dinò usatu in u ianiue (musica di banchettu). Hè mentri i dinastii Sui è Tang chì u ghjocu di konghou era u più spartu. Era generalamenti ghjucatu in i cirimonii rituali ma s'hè prugrissivamenti spartu in u populu. Frà i ghjucadori di konghou si pò mintuvà à Cui Junzhi.

Fora di a China

U strumentu fù aduttatu in l'anziana Curea, induva eddu era chjamatu gonghu (hangul: 공후; hanja: 箜篌), ma ùn ci fù micca impiigatu mori. Hè diclinatu in trè appiddativi siont'è a forma :

• Sogonghu (hangul: 소공후; hanja: 小箜篌, littiralamenti piccula arpa ,
• Sugonghu (hangul: 수공후; hanja: 豎箜篌, littiralamenti arpa virticali ,
• Wagonghu (hangul: 와공후; hanja: 臥箜篌, littiralamenti arpa chjinata .

Di listessa manera, u kudaragoto (dinò chjamatu kugo) di u Giapponu era in usu in i spittaculi di tôgaku (musica di u gustu) mentri u periudu, ma pari ch'eddu fussi sparitu intornu à u seculu X. Hè riapparsu pocu fà à u Giapponu induva u cumpusitori nipponu Mamoru Fujieda hà scrittu pà 'ssu strumentu.