John Deacon
John Richard Deacon (* 19 d'aostu 1951 Leicester, Leicestershire, Inghilterra/Regnu Unitu) hè un musicante britannicu. Divintò famosu cum'è u bassistu di a banda Queen.
Biugrafia
mudificà
John Richard Deacon, figliolu di Arthur Henry Deacon è Lilian Molly Deacon (nata Perkins), hè natu in a cità inglese di Leicester. A data di nascita di l'artistu hè u 19 d'aostu di u 1951. John ingrandava cù a so surella minore Julie.
Da u 1971 à u 1997, Deacon hè statu u bassistu di u gruppu di rock legendariu Queen. Hà servutu dinù cum'è canzuneru (è cum'è cantadore à fondu). E famose canzone You're My Best Friend, Another One Bites The Dust è I Want To Break Free sò state scritte da ellu. Si mustrava ancu cum'è chitarristu acusticu è ritmicu. Era u membru più ghjovanu di a banda.
John Deacon hà finitu a soia carriera attiva in u 1997, ma u so nome si lega incù duie di e più geniale è memurevule linie di bassu in a storia di a musica – quelle di Another One Bites The Dust è Under Pressure.
Riferimenti
mudificàLigami esterni
mudificà| Wikimedia Commons hà una media riguardanti John Deacon. |