Jean-Gaël Lahlou
Jean-Gaël Lahlou hè un omu puliticu francesu natu u 19 di maghju di u 1986 in Portivechju (Corsica), in l'attuali Corsica Suttana.
Biugrafia
mudificàDiscindenti di i famiddi corsi Abbatucci è Rocca Serra.
Utteni u so bascigliè in Portivechju eppò parti à fà i so studii supiriori in Nizza à l'Univirsità di Nice-Sophia Antipolis (2004-2009).
Tempu uttinutu u so Master di dirittu, sceddi di vultà in Corsica è di travaddà da campagnolu. U so ritornu cuincidi dinò incù i so primi passa in pulitica.
Hè u frateddu di u storicu Raphaël Lahlou è u cucinu di Cameddu di Rocca Serra anzianu diputatu di a siconda circunscrizioni di Corsica Suttana da u 2002 à u 2017, membri di les Républicains (LR).
In pulitica
mudificàSviendu da a tradizioni pulitica di a so famidda di a dritta ripublicana, s'avvìa in u naziunalisimu corsu è raghjunghji u Partitu di a Nazione Corsa.
U so impegnu si traduci par un dittu cù a so candidatura da suttu à a banniera di quissu partitu à l’alizioni dipartamintali francesi di u 2015 in u cantonu di Bavedda in Corsica Suttana.[1] Cumpiarà terzu incù 11% di i suffraghji sprimati.[2]
Parsunalità libara è sfarenti in u so partitu, ricunnosci d’avè vutatu pa u prisidenti di u Parti Chrétien-Démocrate Jean-Frédéric Poisson mentri u primarii di a dritta è di u centru di u 2016 è dichjaratu di dalli u so sustegnu par vìa di u so sustegnu à i Cristiani d’Urienti ma dinò parchì hè statu u solu à ricunnoscia di manera pubblica l’asistenza d’un populu corsu mentri i so dibattiti
In u 2019, incù Jean-Michel Mosconi, diligatu di a siconda circunscrizioni di les Républicains di Corsica suttana, lancia l’iniziativa citatina Inalzà Portivechju incù u scopu di prasintassi à l'alizioni municipali di u 2020.[3], [4]
Scinddendu di cacciassi da quiss’alizioni, l’iniziativa purtarà u so sustegnu à Jean-Christophe Angelini, sicritariu ghjinirali di u Partitu di a Nazione Corsa chì sarà alettu merri di Portivechju.
travagliu
mudificàDi marzu di u 2020, Jean-Gaël Lahlou crea APA, un intrapresa cunsultativa chì circa à favuriscia i scambii cummirciali trà Corsica è Sardegna.[5]
Noti
mudificà- ↑ Elections départementales: 51 binômes candidats en Haute-Corse et 31 en Corse du Sud, "Corse Net Infos": [1] Archiviu 2020-06-25 at the Wayback Machine.
- ↑ Ministère de l'intérieur, CORSE SUD (2A ) - canton de Bavella - Résultats des communes du canton [2].
- ↑ J. M. Mosconi veut une nouvelle vision de Porto-Vecchio, "Corse matin": [3] Archiviu 2022-12-14 at the Wayback Machine.
- ↑ Municipales 2020: Jean-Michel Mosconi veut Inalzà Purti-Vecchju, "Corse Net Infos": [4].
- ↑ Dagan Texier, Le projet ambitieux d’une économie circulaire entre la Corse et la Sardaigne, "Corse Net Infos" 14 juin 2020: [5].