Grandi Santuariu Kasuga

U grandi Santuariu Kasuga (o grande Santuariu Kasuga) (春日大社 Kasuga-taisha^?) hè un santuariu Shintoistu situatu à Nara, in a Prifettura di Nara, in Giapponu. Fundatu in u 768 è ricustruitu parichji volti, hè u santuariu di a famidda Fujiwara. L'internu hè famosu par i so lanterni di brunzu è i numarosi lanterni di petra (tōrō) chì cunducini à u santuariu.

U stili architittonicu Kasuga-zukuri piglia u nomu da l'aria più sacra, ditta honden, di u santuariu, u quali incù a vicina Furesta Primurdiali Kasugayama hè righjistratu trà i patrimonii di l'umanità di l'UNESCO, com'è parti di i "Munimenta Storichi di l'Antica Nara".

U stradeddu par u Santuariu Kasuga attraversa u Parcu di u Cervu (induva i cervi ammansati vagani libaramenti). Più di middi lanterni di petra sò disposti lungu a via. L'ortu Butanicu Manyo hè aghjacenti à u santuariu.

Storia

U santuariu divintò ughjettu di u patrunatu imperiali duranti u periodu Heian. In u 965 a imperatori Murakami urdinò ch'è i missaghjeri imperiali fussini inviati à riferiscia avvinimenti impurtanti à i kami prutittori di u Giapponu. sti heihaku funi inizialamenti prisintati à 16 santuarii, inclusu u santuariu Kasuga. Da 1871 à 1946 fù ufficialamenti disignatu in u prima rangu imperiali di u Kanpei-taisha(官幣大社), u sistemu di classificazioni di i jinja giappunesi cadutu in disusu dopu à l'accupazioni americana di u dopuguerra.

Fistivali

Duranti i fistivali di u Setsubun Mantoro (2-4 frivaghju) è di u Obon Mantoro (14-15 austu), i millaia di lanterni di u Santuariu Kasuga sò alluminati à tempu. U 13 marzu hè u Kasuga Matsuri (u fistivali di a scimmia), chì prisenta danzi di gagaku è bugaku.