Grandi Lavi (America)

I Grandi Lava di l'America sittintriunali sò un cumplessu di cinqui lava d'acqua dolci, tutti frà i più grandi di u mondu, chì custituisci una spezia di mari internu frà i Stati Uniti è u Canada.

Imaghjina satellitaria di i Grandi Lava d'America

CarattaristichiMudificà

 
Toronto annantu à u lavu Ontariu

I cinqui lava sò (da punenti à livanti, veni à dì à l'ingrossu da monti à vaddi):

Di u sistemu faci parti ancu u rilativamenti chjucu Lavu St. Clair, chì si trova nantu à a lingua di terra chì sipara i lava Huron è Erie. I lava Michigan è Huron sò à listessu liveddu è ùn sò micca culligati da un fiumu ma da i stretti di Mackinac (tantu ch'è poni essa cunsidarati com'è dui sizioni di un unicu lavu), mentri l'altri sò culligati da i fiuma St. Marys (da u Supiriori à l'Huron), St. Clair (da l'Huron à u St. Clair), Detroit (da u St. Clair à l'Erie) è Niagara (da l'Erie à l'Ontariu), annantu à u quali si trovani i famosi cascati. U sistemu hè culligatu à u mari da u fiumu San Lorenzo, chì sfocia in l'Atlanticu.

I Grandi Lava sò sempri stati impurtanti vii di cumunicazioni, è oghji grazia à parechji canali artificiali (par asempiu u canali Welland, chì parmetti di passà da u lavu Ontariu à u lavu Erie, fendu l'avvinta di i cascati di u Niagara) navi di grossu tunniddaghju poni ricuddà da l'Atlanticu finu à l'estremità di i lava Michigan è Supiriori. A faciulità di i cumunicazioni hà fattu ch'è molti di i più impurtanti cità di u Canada (Toronto annantu à u lavu Ontariu, Ottawa, Montréal è Québec annantu à u San Lorenzu) è di i Stati Uniti (Chicago annantu à u lavu Michigan, Detroit annantu à l'umonimu fiumu, Cleveland è Buffalo annantu à u lavu Erie) surghjissini annantu à i lava o nantu à i vii d'acqua chì i cullegani trà eddi è à u mari.

I grandi lava bagnani i costi di a pruvincia canadesa di l'Ontariu (un'altra pruvincia canadesa, u Québec, hè travirsata da u San Lorenzu) è di i stati statunitensi di Minnesota, Wisconsin, Illinois, Indiana, Michigan, Ohio, Pennsylvania è New York.

Dati giugrafichiMudificà

Nome Superficia   (km2) Vulumu d'acqua (km3) Altitudina (m.s.l.m.) Prufundità media (m) Prufundità

massima (m)!!width=100|Sviluppu custieri (km)[1]!!class="unsortable" |Profilo

 Lavu Supiriori 82.414 12.100 183 147 406 4.385  
 Lavu Michigan 57.760 4.900 176 85 281 2.636  
 Lavu Huron 59.600 3.540 176 59 229 6.156  
 Lavu Erie 25.744 483 174 19 64 1.370  
 Lavu Ontario 19.529 1.639 75 86 244 1.146  

NotiMudificà

  1. Cumpresi l'isuli interni


FontiMudificà

'Ss'articulu pruveni in parti o in tutalità da l'articulu currispundenti di a wikipedia taliana.