Ghjunsani (pieve)

A pieve di Ghjunsani hè un'antica pieve di Corsica à u Medievu. Facia parte di u vescuvatu di Mariana.

Lucalizazione di a pieve di Ghjunsani

Geografia

U territoriu di a pieve di Ghjunsani currisponde à e cumune attuale di :

• Pioghjula ;
• U Musuleu ;
• Olmi è Cappella ;
• A Vàllica.

U paese d'Olmi è Cappella, in u Ghjunsani

Chjesa pievana

A chjesa pievana era a chjesa di San Ghjuvanni Battista, nant'à a cumuna d'Olmi Cappella. Oghje hè arruvinata. E petre anu servitu à custruisce case in paese. Un soprusciu hè statu adupratu è messu in a casa Colombani in Olmi-Cappella.

Vede dinù

Lista di e pieve di Corsica

Diòcesi di Mariana