Firulinu

	U firulinu

Pleurotus ferulae

Classificazioni scentifica

Regnu

Fungi

Divisioni

Basidiomycota

Classa

Agaricomycetes

Ordini

Agaricales

Famiglia

Pleurotaceae

Genaru

Pleurotus

Nomu binuminali

Pleurotus ferulae
Linnaeus, 1753

U firulinu (Pleurotus ferulae) hè un tipu di funzu chì faci parti di a famiglia di i Pleurotaceae.^[1] U nomu veni da u fattu ch'è issu tipu di funzu si trova vicinu à a ferula.

Discrizzioni

U culori di u cappeddu hè brunu o grisgiu. U cappeddu hè longu sin'à 30 cm. A carri hà un sapori dolci. U firulinu ùn hà micca aneddu. I diminsioni di i spori sò: 10-12.5 x 4.5-5.5 µm. I lami sò bianchi o grisgi.

In Corsica

U firulinu hè assà cumunu in Corsica, in i loca ind'edda si trova, ghjust'appuntu, a ferula. U firulinu cresci annantu à i radichi di a ferula. A varietà di firulinu chì nasci in Corsica ùn si trova ch'è in Corsica è in Sardegna.^[2]

Tassunumia

Un sinonimu di Pleurotus ferulae hè:

Pleurotus eryngii var. ferulae (Lanzi)

Gastunumia

U firulinu hè un funzu manghjarecciu, di bunissima qualità.

Noti

↑ U firulinu hè ancu chjamatu in corsu: u ferulinu o u ferlinu (Leoni, 2001).
↑ "In Corsica, a varietà Ferulae chì nasce sott’à a ferla, fungu bunissimu, si trova solu ind’è noi è in Sardegna, assai cunnisciutu in l’Agriate." (Leoni, 2001)

Liami

Ghjiseppu Leoni, I funghi, Ghjurnata di a Lingua Corsa 2001, Adecec
A flora - i funghi Archiviu 2006-10-19 at the Wayback Machine

[1] U firulinu hè ancu chjamatu in corsu: u ferulinu o u ferlinu (Leoni, 2001).

[2] "In Corsica, a varietà Ferulae chì nasce sott’à a ferla, fungu bunissimu, si trova solu ind’è noi è in Sardegna, assai cunnisciutu in l’Agriate." (Leoni, 2001)

[1]

[2]