Equisetum palustre

Hè una pianta vivace, alta 0-70 cm. U picciolu hè tubulare incù una cavità cintrale più larga ch'è quelle chì u circondanu. E guaine sò longhe 6 -10. A spiga hè cilindrica.

Ripartizione

Si trova ma raramente in e pratuline umite è i mezi lacustri sinu à 1800 metri.

Equisetum palustre hè sparta in e rigione più fresche d'America suprana è d'Eurasia.

Equisetum palustre hè prisente in Corsica.^[2]

Tussicità

Equisetum palustre hè tossica per l'animali erbivori, ma micca per l'esseri umani. Cuntene un'enzima distruttrice di a vitamina B1 chì pò caghjunà un grave mancanza di cuurdinazione ind'è i cavalli, è l'alcaloide piperidine palustrine, chì pruvucheghja a zuppaghjine ind'è i vaccini. 'Sse duie sustanze sò stabile mentri anni è anni.

Biolugia

Equisetum palustre si riproduce per u più da spori. I coni spuriferi situati à l'estremità di i piccioli libereghjanu i spori chì sò spargugliati da u ventu. I spori germineghjanu pè dà nascita à gametofiti, chì pruducini dopu gameti masci è femini. A ficundazioni si pruduci quandu i gametisi scontranu, furmendu cusì un nuvellu individuu.

Tassonumia

Equisetum palustre hè u nome scentificu accittatu pà 'ssa spezia, ma hè ancu cunnisciuta sottu à altri sinonimi tali Equisetum fluviatile è Equisetum limosum. 'Ssi noma sò stati imprudati in u passatu, ma sò avali cunsidarati com'è sinonimi di Equisetum palustre.

Cunsirvazione

Equisetum palustre hè una spezia rilativamente cumuna è ùn hè micca cunsiderata com'è essendu in priculu d'estinzione. Eppuru, a distruzzione di u so ambiente naturale per causa di l'urbanisazione è di l'agricultura intensiva pò avè un impattu negativu annantu à e pupulazione lucale. Hè dunque impurtante di priservà e zone umite induve 'ssa pianta si trova cù u fine di garantisce a so sopravvivenza à longu andà.

Riferimenti

Jeanmonod D. & Gamisans J. (2013) Flora Corsica (2 ed), Edisud.

Note

↑ 'Ss'articulu pruvene in parte da a wikipedia in inglese.
↑ Jeanmonod & Gamisans (2013).

Altri prugetti

Equisetum palustre annantu à Wikimedia Commons.

[1] 'Ss'articulu pruvene in parte da a wikipedia in inglese.

[2] Jeanmonod & Gamisans (2013).

[1]

[2]