Dryopteris filix-mas

pianta
Dryopteris filix-mas
Dryopteris filix-mas
Classifica scentifica
Regnu Plantae
Divisioni Pteridophyta
Classa Filicopsida
Ordini Polypodiales
Famiglia Dryopteridaceae
Genaru Dryopteris
Nomu binuminali
Dryopteris filix-mas
(L.) Schott, 1834

Dryopteris filix-mas hè una pianta chì faci parti di a famiglia di i Dryopteridaceae.[1]

Discrizzioni mudificà

Hè una pianta vivaci à rizomu suttarraniu purtendu grandi frondi pudendu aghjunghja 1,20 m di longu. I pinnuleddi sò dintati à u liveddu di a basa. U soru hè attundatu, guasgi sfericu, dispostu in infilarati paralleli à i narbaturi. I piccioli è i rachidi di i casci sò cuparti à picculi scagli bruni è mimbranosi. U rizomu prisenta in cuppa una curona di fasci vasculari chjusi. A so suparficia hè cuparta di una cuticula à scagli bruni.

Ripartizioni mudificà

Hè una spezia cusmupolita.

Campa in i stazioni freschi, umiti è adumbrati. In altitudina, ricerca l'umidità atmusferica. Si scontra annantu à l'urlaturi di sebbi, i circondi di fussetti, i ricci adumbrati è spesi.

'Ssa filetta hè poca esigenti à u liveddu di a cumpusizioni di a terra : rinosu o arzillosu.

Dryopteris filix-mas hè prisenti in Corsica, da Monti Cintu sin'à l'Alcudina.[2]

Rifarimenti mudificà

  • Jeanmonod D. & Gamisans J. (2013) Flora Corsica (2 ed), Edisud.

Noti mudificà

  1. 'Ss'articulu pruveni in parti da a wikipedia in inglesu è in talianu.
  2. Jeanmonod & Gamisans (2013).