Dialettu venachese

U dialettu venachese (prununciatu "U 'ialettu uènaghèse" in a parlata lucale) hè una variante di a lingua corsa parlata in a Pieve di Venacu.

Zona geografica induve si parla u dialettu venachese (Pieve di Venacu)

Blasone di San Petru di Venacu

Pastore venachese à a fiera di u casgiu di Venacu

Dialetti di Corsica

U dialettu venachese, dialettu cismuntanu

U dialettu venachese face parte di u corsu supranu o supranacciu, ancu chjamatu corsu cismuntincu, hè una variante principale di a lingua corsa rispettivamente un termine per tutti i dialetti di u corsu chì sò parlati in u nordu è u centru di a Corsica. Per questu, si puderìa dì ancu "corsu di u nordu (è di u centru)". Altri dinuminazioni è modi di scrive sò cismontincu, cismuntanu o cismontanu, corsu di Cismonte, corsu centru-settentriunale/-settentrionale. Hè derivatu da u Tuscanu è hè a varietà corsa chì stà u più vicinu à a lingua taliana.

U listessu testu in u dialettu venachese funeticu ('ialettu uènaghèse)

Prununcia : ž = j ; č = tch ; ã = an ; õ = on.

"ž" è "j" si prununcianu di a listessa manera funeticamente, ma megliu usa "ž" per ùn fà micca cunfusione cù l'usu di a lettera "j" in e prununcie "chj" è "ghj".

"č" serve a simplificà in una sola lettera u sonu "tch".

U 'ialéttu uènaghèse fadže barte 'i u górsu subrãnu o subrãnaču, ancu chjamadu górsu čismuntincu, hè una uariante princibale 'i a lingua górsa rispettiuamente un termine per tutti i 'ialetti di u górsu chì sò parladi in u nordu è u džentru di a Górsiga. Per questu, si puerìa dì ancu "górsu di u nordu (è di u džentru)". Altri dinuminaziõni è modi di scriue sò cismuntingu, cismuntãnu o cismontãnu, górsu di Džismonte, górsu džentru-settentriunale/-settentrionale. Hè dérivàdu da u Duscãnu è hè a wariédà górsa chì stà u biù vižinu à a lingua daliãna.

Paesi parlendu u dialettu venachese

Venacu

Scrittu Venacu in corsu cismunticu è Venaco in talianu, si prununcia Vènagu in dialettu venachese.

Santu Petru di Venacu

Scrittu Santu Petru di Venacu in corsu cismunticu è Santo Pietro di Venaco in talianu, si prununcia San Pédru di Vènagu in dialettu venachese.

U Poghju di Venacu

Scrittu U Poghju di Venacu in corsu cismunticu è Poggio di Venaco in talianu, si prununcia U Poghju di Vènagu in dialettu venachese.

A Casanova di Venacu

Scrittu A Casanova in corsu cismunticu è Casanova in talianu, si prununcia A Gasanòa di Vènagu in dialettu venachese.

A Riventosa di Venacu

Scrittu A Riventosa in corsu cismunticu è Riventosa in talianu, si prununcia A Riventòsa di Vènagu in dialettu venachese.