Culombu (cantu)
U Culombu
mudificà- Un son di cornu da li monti
- Stende lu bolu cun furor
- À stu sennu siamu pronti
- Riscossi da lu patri ardor
- Svanisce la diminticanza
- Cresce la nostra vulintà.
(Ripigliu):
- Disceta la speranza
- A boce di culombu
- Chjama di u so ribombu
- A santa libertà
- Chjama di u so ribombu
- A santa libertà.
- Da la so tomba l'Antenati
- Sepolti da l'ingannator
- Tutti à la luce sò turnati
- Accolti da l'altu fervor
- Risorta hè la so rimembranza
- Cù l'alba di la verità.
- Centu bandere cù lu Moru
- Innalzanu lu so biancor
- In questu sublime decoru
- Frà l'evviva d'ardente amor
- Di De Paoli la sapienza
- Presente ci face esultà.