Cuccuruzzu hè un situ archiulogicu di Corsica. Hè situatu annantu à a cumuna di Livia. Si trova annantu à u Pianu di Livia, un locu ind'iddi si trovani parichji siti archiulogichi è preistorichi. U casteddu di Cuccuruzzu è statu idantificatu à l'ebbica muderna da l'archiolocu Roger Grosjean, in l'annati 60. U casteddu hè statu classatu com'è munimentu storicu, in 1982. Uni pochi di travagli di prisirvazioni sò stati intrapresi in 1991. In u locu ind'iddu ci hè mori licci, u casteddu hè furmatu da cantona di granitu chì t'ani un diamitru di parichji metri. 'Ssi cantona facini parti di a custruzzioni. L'intrata maestra hè custituita di dui cantona, frà i quali ci hè una stetta chì parmetti l'accessu à u casteddu. I mura sò alti 3 à 5 metri. A superficia drintu à u casteddu hè di circa 400 metri quatrati. In a custruzzioni, ci hè una turra alta 5 metri, incù un diamitru di 8 metri. 'Ssa torra hè custituita da una pezza maestra, un curridori è una pezza sicundaria. Si pò pinsà chì 'ssa turra t'avia un pianu di più.

Cuccuruzzu
L'intrata di u casteddu

L'accupazioni principali di u casteddu di Cuccuruzzu pò essa datata à l'ità di Bronzu, ma ci hè stata a friquenza in u situ à u Niuliticu finali insin'à l'ità di Farru.

Accantu à u casteddu di Cuccuruzzu, ci hè dinò u situ archiulogicu di Capula.

Rifarenzi mudificà

  • Leandri, Franck è Chabot, Laurent (2003). Monumenti di Corsica - Monuments de Corse Edisud. Aix (in francesu), pagini 220-221

Liami mudificà


I siti archeologichi di Corsica

A Figa - Apazzu - Araghju - Araguina-Sennola - Basi - Bizzicu Rossu - Capu di Bonu - Cardiccia - Casteddu di Puzzonu - Cauria - Ceccia - Ciuttulaghja - Cuccuruzzu - Cuntorba - Currachjaghju - Figa la Sarra - Filitosa - Foci - A Funtanaccia - Gritulu - Monte Grossu - Monte Lazzu - Paddaghju - Presa-Tusiu - Pughjaredda - U Rinaghju - Rusumini - Settiva - Stantari - Casteddu di Tappa - Tivulaghju - Tremeca - Vasculaghju