Clematis vitalba

A vitalba
Clematis vitalba
Classifica scentifica
Regnu	Plantae
Classa	Polypodiopsida
Divisioni	Tracheophyta
Sottudivisioni	Spermatophytes
Ordini	Ranunculales
Famiglia	Ranunculaceae
Genaru	Clematis
Nomu binuminali
Clematis vitalba Agostino Todaro, 1866

Clematis vitalba hè una spezia di pianta chì faci parti di a famiglia di i Ranunculaceae.

Discrizzioni

A vitalba (Clematis vitalba) hè una pianta arrampicanti di a famiglia di i Ranunculaceae. Hè urighjinaria d'Auropa è d'Asia uccidentali. 'Ssa pianta vivaci pò aghjunghja un'altezza di 10 metri è pussedi piccioli lignosi è volubili. I so fogli sò cumposti è alterni, incù fuglioli uvali è dintati. I fiora di Clematis vitalba sò bianchi, prufumati è ragruppati in infiuriscenzi à forma di curimbi. I frutti sò achenii piumosi, favuriscendu a so dispersioni da u ventu.

A vitalba s'assumiglia à u vittichju ma a vitalba t'hà i fiora bianchi è appena virdicci incù un aspettu particulari incù u prima pelu è i fogli cumposti pinnati, quandu inveci u vittichju t'hà i fiora bianchi prufumati incù un adori d'amandula dolci è i fogli bipinnati.

Ripartizioni

A vitalba hè prisenti in l'Auropa sana, da u sudu di a Scandinavia insin'à u mari Tarraniu. Omu a trova ancu in Asia uccidentali, Caucasiu à l'Iranu. 'Ssa pianta hè adattata à diffarenti tipi di terri, ma prifirisci i terri ricchi di nutrimenti è beddi assiccati. Cresci par u più in i sebbi, l'arici di furesti, i bordi di stretti è i chjarini.

A vitalba hè prisenti è cumuna in Corsica.

Biulugia

A vitalba hè una pianta arrampicanti chì si atturcineghja intornu à i punteddi grazia à i so avvitichji. Pò furmà culonii densi è affucà i pianti circunvicini. A fiuritura hà locu da ghjugnu à sittembri, attirendu numarosi insetti inamacatori tali l'abbi è i sbarabattuli. I frutti piumosi sò spargugliati da u ventu, parmittendu cusì à a pianta di diffonda si annantu à grandi distanzi.

Tassunumia

Clematis vitalba apparteni à u genaru Clematis, chì ragruppa à l'incirca 300 spezii di pianti arrampicanti. Hè ancu cunnisciuta sottu à i sinonimi Clematis flammula è Clematis vitalba var. vitalba.

Cunsirvazioni

A vitalba hè una spezia cumuna è largamenti sparta. Ùn hè micca cunsidarata com'è minacciata è ùn faci micca l'ughjettu di misuri particulari di cunsirvazioni. Eppuri, in certi righjoni, pò divintà invadenti è nocia à a biudiversità lucali. Hè dunqua ricumandatu di cuntrullà a so prupagazioni in i zoni ind'edda hè intradutta.

Lessiculugia

A vitalba hè ancu chjamata a viterba, a vutalbula o a butalbula.

Rifarimenti

• Jeanmonod D. & Gamisans J. (2013) Flora Corsica (2 ed), Edisud.

Altri prugetti

• Clematis vitalba annantu à Wikimedia Commons.