Arte barocca in Corsica
L'arte barocca si manifesteghja in Corsica à u principiu di u XVIIu seculu sin'à a fine di u XVIIIu seculu. Hè un'arte sopr'à tuttu religiosa.
Nasce cù a Contrariforma, decisa da a Chjesa, per reagisce di pettu à a Riforma di u prutestantisimu, vista cum'è una minaccia. Piglia a so orìgine cù u Cunciliu di Trentu (1545-1563). L'arte barocca nasce in Italia, in Roma, è a Corsica serà influenzata di manera forte, sopr'à tuttu in l'architettura.
Per affirmà a so superiorità, a Chjesa catòlica incaricheghja l'artisti di realizà opere grandiose, fatte per marcà è impressiunà. L'arte barocca utiliza u muvimentu, e forme curve.
Nàscita mudificà
A storia di l'arte barocca hè ligata à quella di a Chjesa. À partesi di a metà di u XVIu seculu, a Chjesa catolica reagisce di pettu à l'emergenza di u prutestantisimu, vistu cum'è una minaccia. Tandu decide di mette in ballu parechje azzione per circà di fà piantà u sviluppu di a Riforma. St'azzione anu per scopu d'affirmà a duttrina catolica è à riorganizà u cleru.
Una di e misure principale hè a messa in piazza d'un ordine di frati, i ghjesuiti (o cumpagnia di Ghjesù) chì hè fundatu in u 1537 in Roma. I ghjesuiti sò incaricati d'un'azzione di missione, di rinfurzà l'influenza catolica è d'evangelizà e pupulazione.
L'altra grande misura hè a messa à ghjornu di l'organizazione di u clericu, decisa da u Cunciliu di Trentu (1545-1563) chì hà da rifurmà a Chjesa.
-
A facciata di a chjesa di u Gesù, in Roma -
A facciata di San Carlu, in Bastia
L'arte barocca in Corsica mudificà
L'arte barocca nasce in Italia, in particulare in a cità di Roma. A Corsica serà tocca da l'influenza taliana vicina, cù a realizazione d'opere fatte d'artisti venuti da Ghjenuva, Milanu, Turinu o Roma[1].
Esempii di chjese barocche in Corsica mudificà
A Porta d'Ampugnani mudificà
San Ghjuvanni
Pedicroce mudificà
San Petru è San Paulu
.jpg)
Bastia mudificà
San Ghjuvanni
Curbara mudificà
A Nunziata
Santu Niculaiu di Muriani mudificà
Santu Niculaiu
Mursiglia mudificà
San Ciprianu
Muru mudificà
A Nunziata
Carchetu mudificà
Sant Margherita
U Quercitellu mudificà
Stoppia Nova: Notre-Dame du Mont Carmel
Penta di Casinca mudificà
San Mighele
U stile "rococo" mudificà
U stile "rococo" nasce dopu à u baroccu. Si pò vede in Corsica unicamente in l'oratoriu Santa Croce di Bastia. Di fatti, sta chjesola hè a sola di stile "rococo" in Francia.[1]