Arianna

Arianna (da u grecu Αριάδνη) hè una figura di a mitulugia greca, a figliola di u rè di Creta Minossu è di Pasifae.

Arianna à Nassu, 1877, Evelyn De Morgan

U mitu d'Arianna è Teseiu hè cuntatu in parechji virsioni. In una si conta ch'è Arianna si innamurò di Teseiu quandu eddu ghjunsi in Creta par tumbà u Minotauru in u labirintu. Arianna deti à Teseiu un ghjummeddu di lana (u pruvirbiali filu d'Arianna) par pudè ritruvà la strada parcorsa in u labirintu è pudè ni escia sanu. Arianna fughjì tandu incun eddu è l'altri atenesi versu Atena, ma Teseiu a feci addurmintà è l'abbandunò annantu à l'isula di Nassu (ancu chjamata Dia). In ogni modu, duranti i so passioni sicreti, Arianna cuncipì da l'eroi dui figli, Demofonti è Stafilu.

Pà i nozzi, Diunisu feci donu à Arianna di un diadema d'oru criatu da Efestu chì, lanciatu in celi, andò à furmà a custiddazioni di a Curona Bureali.

Esisti una virsioni ulteriori di a tradizioni sicondu a quali Dionisu ordinò ad Artemida di tumbà à Arianna annantu à l'isula di Nassu.

Infini, ci hè una virsioni ulteriori tragica dundi si dici ch'è Arianna, scunvolta da u dulori incausatu da a perdita di u so carissimu Teseiu, si saria lampata in mari è si saria suicidata.

Arianna in l'arti

Pittura

• Baccu è Arianna, pintu da Tiziano (1520-1522)
• Baccanali di l'Andrii, pintu da Tiziano (1520-1523)
• Trionfu di Bacco è Arianna, pintu da Annibale Carracci (1560-1609)
• Baccu è Arianna, pintu da Guido Reni (1619–1621)
• Baccu è Arianna, pintu da Giambattista Pittoni (1730-1732)
• Nozzi di Baccu è Arianna, pintu da Cima da Conegliano (1505-1510)
• Arianna dà à Teseiu u filu par escia da u labirintu, pintu da Pelagio Palagi (1814)
• Arianna abbandunata da Teseiu, pintu da Angelika Kauffmann

• 
  Baccu è Arianna, Tiziano
• 
  Baccanale di l'Andrii, Tiziano
• 
  Trionfu di Baccu è Arianna,Annibale Carracci
• 
  Baccu è Arianna,Guido Reni
• 
  Baccu è Arianna, Giambattista Pittoni
• 
  Nozzi di Baccu è Arianna (part.), Cima da Conegliano
• 
  Arianna abbandunata da Teseiu, Angelika Kauffmann

Musica

• Ariadne auf Naxos (Arianna à Nasso) hè un'opera di Richard Strauss
• Lamento di Arianna, frammentu di L'Arianna di Claudio Monteverdi