Aratusa

Aratusa (o Aretusa) (in grecu Ἀρέθουσα, -ης; in latinu Arethusa, -ae) hè un parsunaghju di a mitulugia greca, figlia di Nereu è di Doride.

Alfeu prova à rapiscia à Aratusa

A Storia d'Alfeu è Aratusa annantu à a funtana di u Gros-Horloge di Rouen.

U diu Alfeu, figliu di u diu Uceanu, s'innamurò d'edda spiendu la mentri si bagnava nuda. Aratusa parò fughjì da i so attinzioni, scampendu si la annantu à l'isula di Ortigia, in Siracusa, induva a dea Artemidi a tramutò in una fonti. Zeus, cummossu da u dulori d'Alfeu, u mutò in fiumu à so volta, parmittendu li cusì, da u Pilupunnesu, in Grecia, di parcorra tuttu u Mari Ioniu par uniscia si à a fonti amata.

Ancu oghji u mitu rivivi in l'isula di Ortigia grazia à a cusidditta Fonti Aratusa, un spichju d'acqua chì sfocia in u Portu Grandi di Siracusa.

Aratusa hè citata in i Puisii Ghjucosi di Paulu Matteiu di la Fuata :

Ci n'hè più fresca di quidda dla Scaledda ?

Dlu Quarracciu, dla Sarra, dla Strimedda ?

La Castalia è l'Ippucrena

Poni metta si cun edda ?

Ùn ci pò mancu Aratusa :

Chì ni dici, o cara musa ?

Aratusa in a cultura

A ninfa hè citata in una grandi quantità d'opari; frà quiddi si poni mintuvà:

• Ovidiu, Mitamurfosi, V, 572 è segg.
• Esiodu, Tiugunia 337 è segg.
• Omeru, Iliadi V, 541 è segg.
• Pausania. Discrizzioni di a Grecia, V, 7, 3 è altri loca.
• Virghjiliu, Georgiche IV, 344
• Virghjiliu, Eneidi III, 694 è segg.
• Teocrito, Idilli (XVI)
• Ghjuvanni Pasculeghji, U ritornu (penultimu innu in a racolta Odii è inni)
• Giosuè Carducci, Rime novi (LXIII).
• Danti. Infernu, XXV, 97
• Boccaccio, Cumedia di i ninfi fiurintini (XVIII) è Amurosa visioni (XXV).
• Ariostu, Orlandu furiosu (cantu VI, ottava XIX).
• Montale, L'istati in L'occasioni, versu 8.
• Salvatore Quasimodo, Auschwitz in U falsu è veru verdi, v. 26.
• Gabriele di Annunzio, L'Oleandro (dalla racolta Alcyone)
• Percy Bysshe Shelley, Arethusa, 1820.
• John Keats, Endimione
• Albertu Lollio (1508-69), Aratusa (1563), un asempiu di puisia pasturali drammatica. È ancu parechji puisii di l'Arcadia (da Marinu à Jacopo Sannazzaro à parechji altri).

In u 1966, Aratusa fù rapprinsintata annantu à u vechju bigliettu di banca da 500 lire taliani.

Bibliugrafia

Antica

• Ovidiu Mitamurfosi V, 572 è siguenti
• Esiodu Tiugunia V.338
• Omeru Odissea
• Pausania Discrizzioni di a Grecia

Muderna

• (in talianu) Fernando Palazzi, Giuseppe Ghedini, Piccolo dizionario di mitologia e antichità classiche, 15ª ed., Milano, Arnoldo Mondadori [aostu 1924], lugliu 1940.
• Paulu Matteiu di la Fuata (1993, 2006), Poesie Giocose, Aiacciu, CRDP di Corsica - Università di Corsica.

Fonti

'Ss'articulu pruveni in parti o in tutalità da l'articulu currispundenti di a wikipedia in talianu.