Antiprutonu

L'antiprutonu hè l'antiparticula di u prutonu. L'antiprutoni sò stabuli, ma ani di regula una durata di vita corta, un inticciu incù un prutonu urdinariu fendu spariscia i dui particuli.

Scuparta

L'antiprutonu fù ussirvatu par a prima volta, in 1955, à u corsu di un sperimentu cunduttu in un acceliratori di particuli di u laburatoriu naziunali Lawrence-Berkeley, in i Stati Uniti. Quattru anni dopu, i fisichi americani Emilio Gino Segrè è Owen Chamberlain ricevini u premiu Nobel di fisica, pà a scuparta di 'ss'antiparticula. In 1965, circadori di u CERN, in iSvizzara, creani antinuclei d'atomi, par via di assuciazioni d'antiprutoni è d'antineutroni (antideuteriu). Trenta anni dopu, u CERN annuncia a criazioni d'atomi di antiidrugenu, furmati, ognunu, di un antiprutonu è di un pusitonu. In 2010, una publicazioni di u CERN, in a rivista britannica Natura, discrivi a pruduzzioni, a cattura è a cunsirvazioni mentri un dicesimu di siconda di una trintina d'antiatomi d'idrugenu, una durata di vita sufficenti pà studià i so prubità.

Prubità

Massa

In 2011, una squadra di l'Istitutu Max-Planck d'ottica quantica, situatu à Garching bei München, in Alimagna, hà misuratu a massa di l'antiprutonu incù abbastanza accuratezza par cunchjuda chì un scartu incù quidda di u prutonu hè difficiulamenti misurevuli.

Pruduzzioni

Hè pussibuli di crià antiprutoni da un inticciu di particuli à alta energia chì i porta à una tampiratura dui milioni di volti più impurtanti ch'è quidda di a materia situata à u centru di u Soli, ciò chì nicissiteghja di raffrità li mori mori.