Anacamptis pyramidalis
| |||||
|---|---|---|---|---|---|
| |||||
| Anacamptis pyramidalis | |||||
| Classifica scentifica | |||||
| Regnu | Plantae | ||||
| Divisione | Magnoliophyta | ||||
| Classa | Liliopsida | ||||
| Ordine | Orchidales | ||||
| Famiglia | Orchidaceae | ||||
| Generu | Anacamptis | ||||
| Nome binuminale | |||||
| Anacamptis pyramidalis ( L. ) Rich. , 1817 | |||||
| |||||
Anacamptis pyramidalis hè un fiore chì face parte di a famiglia di l'Orchidaceae.[1]
Descrizzione
mudificàAnacamptis pyramidalis hè una spezia di piante erbacee vivace appartinendu à a famiglia di l'Orchidaceae. Si caratterizeghja da un'infiuriscenza à forma di piramida, è da fiori d'un rusulatu vivu, qualchì volta bianchi.
'Ss'orchidea terranea pussede casce lanceolate è appena vizze, disposte in rusetta basale, chì diventanu prugrissivamente più chjuche è strignenu u picciolu. U picciolu fiurale, rittu, pò aghjunghje un'altezza da 15 à u 60 centimi.
I fiori sò di regula riuniti in un'infiuriscenza piramidale densa, cumposta da 30 à 100 fiori, ognuna misurendu circa 1 à 1,5 centimi di larghezza. U labellu hà un lobu cintrale più largu è appena più longu ch'è i dui lobi laterali, è hè pichjulatu di punti purpurei.
Ripartizione
mudificàAnacamptis pyramidalis hè largamente sparta in Europa, stindendu si da u Regnu Unitu è l'Irlanda à punente insin'à Russia è in Turchia à livante, è dapoi a Scandinavia à nordu insin'à u Maroccu è l'Algeria à u sudu. Omu a trova ancu in certe rigione di l'Asia di u Punente, cum'è a Turchia è l'Iranu.
'Ss'orchidea hè di regula prisente in e pratuline, i prati asciutti, e ricce erbose, è ancu in e chjarine è l'arici di i boschi. Priferisce e terre ricche di calcariu, esposti à u sole o appena adumbrate. A spezia pò esse truvata à altitudine andendu da u livellu di u mare insin'à circa 2000 metri.
Anacamptis pyramidalis hè una pianta prutetta in parechji paesi per causa di a so sinsibulità à e pirturbazione di l'ambiente, cum'è a distruzzione di e pratuline è l'agricultura intensiva. Sforzi di cunsirvazione, tali a messa in piazza di riserve naturale è di prugrammi di riintruduzione, sò fatti per pruteghje è prisirvà 'ssa spezia d'orchidea.
Riferimenti
mudificà- Jeanmonod D. & Gamisans J. (2013) Flora Corsica (2 ed), Edisud.