Air

Air hè un gruppu musicale francese originariu di Versailles furmatu in u 1995 è cumpostu da Jean-Benoît Dunckel è Nicolas Godin. U gruppu hè assimilatu à u muvimentu musicale French touch (musica elettronica francese). U so successu hè internaziunale, particularmente in Grande Brittagna è in i Stati Uniti.

In u 1998, u so primu album Moon Safari hè unu di i dischi di l'annu, grazia in particulare à u hit single Sexy Boy. Cù 'ssu primu LP sò stati assai acclamati da i critichi.

À a fruntiera di l'elettronica, di u pop è di u rock psichedelicu, u gruppu crea u so propiu stile musicale offrendu e meludie cosmiche in e quale numerosi riffs di chitarra accumpagnanu i soni elettronichi è e voce cudificate. Malgradu a so timichezza apparente, Dunckel è Godin ùn fughjenu micca a scena è organizeghjanu rigularmente e turnate internaziunale cunnisciute per e so virsione alternative è e so riinterpritazione in diretta di uni pochi di i so tituli.

Ancu s'è Air hè cunsideratu una banda di musica elettronica o downtempo, u so sonu hè difatti basatu annantu à i soni di sintetizzatori di artisti di l'anni 1970, cum'è Jean-Michel Jarre è Vangelis. Altre influenze inchjudenu a banda psichedelica Pink Floyd è u musicante francese Serge Gainsbourg. Qualchì volta includenu tuccate di jazz.