Ager Gun
L'Ager Gun o Union (Repeating) Gun fù una di e prime mitragliatrici (manuali). Hè stata aduprata in a Guerra Civile Americana (1861-1865).
'Ssu artìculu hè in custruzzione. Pudete cuntribuisce à a so redazzione.
Ùn si sà micca quale fù lu inventore di ssa arma é quandu hè stata inventata. Di règula, si dice chè u meccànicu Wilson Ager l'hà custrutta in l'anni 1860/61. Ma ancu i nomi di Edward Nugent é William Palmer si lèganu incù l'Union Gun. Pò ésse chè l'orìgine di l'arma si trova in l'annu 1855 (o ancu prima).
Fù una mitragliera meccànica, micca cumpletamente autumàtica cum'è e mitragliatrici oghjinche. Avìa una cadenza di 150-170 colpi per minutu é hà pudutu tirà à una distanza effettiva di 1000 yards (più di 900 metri).
Di ghjugnu 1861, l'Ager Gun hè stata prisentata à lu presidente americanu Abraham Lincoln.
In a Guerra Civile Americana, a U.S. Army hà avutu almenu 64 mitragliatrice di ssu tipu. A U.S. Navy avìa alcuni esemplari dinò. L'Ager hè stata aduprata, per esempiu, durante e battaglie seguenti: Williamsburg, Seven Pines (o Fair Oaks), Battaglia di i Sette Ghjorni (tutte é trè in u 1862), Petersburg (1864).