15 d'aostu

Aostu
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31

U 15 d'aostu hè u 227esimu ghjornu (u 228esimu ghjornu s'è l'annata hè bisesta) di u calendariu gregorianu.

Nascite

- 1769: Napulione Buonaparte, militare è puliticante corsu.
- 1937: Ella Mitchell, cantadora americana.
- 1943: Barbara Bouchet, incù u nome d'arte di Bärbel Gutscher, attrice tedesca.

Celebrazione

Feste

A Vergine Maria sullevata in celu da l'anghjuli. Si festighja l'Assunzione u 15 d'aostu.

I Santi

Santa Maria Assunta.

A morte è l'ascenzione in Paradisu di u corpu è l'anima di Maria Vergine era digià celebrata in tuttu l'Oriente quandu l'imperatore Mauriziu (590-601) scelse a data di u 15 agostu. Malgradu issa scelta, a celebrazione ùn si hè sparta in Occidente chè più tardi. Fù u cunciliu di Magonza chì, in l'813, decise di festighjà à Santa Maria Assunta in tuttu l'imperu di Carlumagnu.

Nomi: Assunta.

Paesi è cità: in Corsica, hè festa patrunale o cumunale in 68 cumune. Si capisce cusì chì a cunsulta di ghjennaghju 1735 abbia messu a Vergine Maria nantu à a bandera naziunale.

Da u 1805 à u 1815 è da u 1853 à u 1870, anu festighjatu un Santu Napulione.

In u Martirologu rumanu, santu chì abbia issu nome ùn ci ne hè, ma quandu Napulione Bonaparte fù cunsacratu imperatore, bisugnava una festa naziunale degna di l'imperu. Anu cercu è anu trovu un San Neopolus, marturiatu à u seculu quartu, è ne anu fattu un Santu Napulione. Restava à sceglie u ghjornu. Anu sceltu u 15 Agostu data di nascita di l'imperatore.[1]

In Corsica

- 1769: nascita di Napulione Buonaparte in Aiacciu.

Ligami

I mesi di l'annu

Ghjennaghju - Ferraghju - Marzu - Aprile - Maghju - Ghjugnu - Lugliu - Aostu - Settembre - Uttobre - Nuvembre - Dicembre