À u lettore
À u lettore hè una puesia di Petru Lucciana, dettu Vattelapesca (1832-1909).
À u lettore mudificà
- Permetti mi, o lettore, avà ch'è u flaccu
- Eo spogli, è i guanti, è u capellu à stagnone.
- È cù a baretta misgia è un bon' pilone
- Ti regioni fumendu. È di tabaccu
- Ùn vogliu empie a mio pippa; ma un pugnone
- D'erba corsa à gran' forza eo vi c'insaccu,
- Poi battu l'acciarinu, è u focu attaccu :
- Chì ùn li piege si tuppi u pivarone!
- S'è mai fussi tù poi qualchì impustore,
- Chì figne d'ùn cunnosce più i lupini,
- Chjodi u libru! perché pè i Parigini,
- O e so scimmie, ùn po avè fruttu nè fiore;
- Ma forse i veri mio cuncitadini
- Ci truveranu un pocu di savore.