À Bastia

À Bastia hè una puesia di Petru Lucciana, dettu Vattelapesca (1832-1909).

O Bastia, ti ne dissi tante è tante

Ch'hè onestu avà spiigà ti u mio penseru :

Eo porga ti vurria cum'è diamante,

Di e civile virtù spechju sinceru ;

È s'è rozza ti mostri, se sprizzante

Di l'anticu valore, fangu stranieru

Sparghji sopra a to chjomma luccicante,

Mi si move ind'u pettu l'umore neru.

È sfogu in aspri versi u mio dulore ;

Perchè t'amu, o Bastia : Sentu ch'è à tè ne

Mi leganu oramai mille catene

Chì si ponu strappà solu cù u core :

Persone, celu, terra, gioie è pene...

Duve nacqui è ingrandai, bramu di more.

Da vede dinù